«ЖОНЛИ» ВИДЕО: Oppo 10 карралик оптик зум ва яхлит экранга жойланган дактилоскопли смартфонини ишлатиб кўрсатди!

  •   DiMaX
  •  778
  •  17.01.2019 11:00

«ЖОНЛИ» ВИДЕО: Oppo 10 карралик оптик зум ва яхлит экранга жойланган дактилоскопли смартфонини ишлатиб кўрсатди!

Смартфонларда дактилоскопик сенсорни дастлаб «Уйга» тугмасига, корпуснинг орқа панелига, ён қиррасига ўрнатишган бўлса, ҳозирда экраннинг ўзига интеграция қилишмоқда. «Хитойча Apple» эса кеча бармоқ изи сканерининг умуман янгича турини кўрсатган.

ЎҚИНГ: «ЖОНЛИ» ВИДЕО: Xiaomi дисплейнинг ҳамма жойи сканерли смартфон тайёрлади!

Буни қарангки, яна битта хитойлик смартфонсоз ушбу технологияни такомиллаштиришга эришибди. Яъни, Oppo ўзининг ўн йиллиги шарафига Хитойда ўтказган тадбирида шунақа – экраннинг ҳамма ерида ишловчи дактилоскопик датчигини кўрсатди. Бу – бозорга чиқаришга тайёр смартфон бўлмасдан, Oppo R17 Pro моделининг махсус модификацияланган версиясидир.

Афтидан, иккала компания ҳам бу борада айни битта етказиб берувчининг дисплейларини қўллашган. Нима бўлганда ҳам, Oppo ҳар тарафлама Xiaomi’дан қолишмаслигини исботлашга ҳаракат қилмоқда.

ЎҚИНГ: Redmi Note 7 рақиби – Realme 3 ҳам 48 мегапикселлик камерага эга бўляпти!

Аммо Oppo ушбу кўргазмада тадбирда намойиш этилган технологияларнинг асосийси бу ҳам эмас – у яна 10 карралик оптик зум технологиясини кўрсатди. Компания вакилларининг таъкидлашларича, бу аллақачон бозорга чиқаришга тайёр намуна бўлиб, яқин орада Oppo смартфонларида пайдо бўлади.

10 карралик зум технологиясининг барча тафсилотларини ҳамда ушбу икки технология жорий этилган илк прототипни MWC 2019 кўргазмасида расман ошкор этишга ваъда берди.

ЎҚИНГ: Oppo барча смартфонлар учун 10 карралик гибрид зум технологиясини тайёрлади (+видео)

Сайт янгиликларидан доимий хабардор бўлиш учун Телеграм каналимизга қўшилинг!