«ЖОНЛИ» ВИДЕО: Xiaomi дисплейнинг ҳамма жойи сканерли смартфон тайёрлади!

  •   DiMaX
  •  1767
  •  16.01.2019 17:25

«ЖОНЛИ» ВИДЕО: Xiaomi дисплейнинг ҳамма жойи сканерли смартфон тайёрлади!

Бармоқ изи сканери технологияси анча тез ривожланиб келаётир. Дастлаб ушбу датчикни «Уйга» тугмасига, корпуснинг орқа панелига, ён қиррасига ўрнатишган бўлса, ҳозирда экраннинг ўзига интеграция қилишмоқда.

ЎҚИНГ: Бунақаси бўлмаган: Galaxy S10 экранининг ҳамма ери бармоқ изи сканеридан иборат!

Юқоридаги мақолада келтирилганидек, навбатдаги Samsung флагманида бундай технология бўлиш-бўлмаслиги ҳозирча номаълум. Аммо Xiaomi аллақачон буни уддалади ва компания президенти Лин Бин уни намойиш этиб «жонли» видео тарқатди.

Янгича дактилоскопик сканернинг ҳозиргиларига нисбатан бир қатор афзалликлари мавжуд. Аввало, биринчи бор фойдаланувчининг бармоқ изларини ўрнатиш ва «эслаб қолиш» учун сенсорга бармоқни бир неча бор босишга ҳожат йўқ. Изи қолдириладиган бармоқни 50х25 миллиметрлик жойга бир марта босиб олинса бўлди – у жой ҳам ёруғлик билан аниқ кўрсатиб берилади. Афтидан, ушбу ҳудудда яна битта – ультратовушли эмас, балки оптик сенсор бор. Кейин эса экраннинг исталган жойига шу бармоқни босиш орқали смартфон қулфдан чиқарилаверади.

Айтиш керакки, худди шундай тизим Vivo APEX концепт-смартфонида ҳам қўлланган эди, аммо бу технология якуний моделгача етиб келмаган.

ЎҚИНГ: Vivo тағин олдинда: олд камераси юқоридан чиқувчи, сканер ва динамиги ромсиз экранга жойланган илк смартфон! (+видео ва фотолар)

Xiaomi президентининг таъкидлашича, улар мазкур технология устида ярим йилдан ошиқ ишлаб келмоқда. Мана, янгича технология бўйича дисплейнинг ҳамма жойида ишловчи бармоқ изи сканерини «жонли» томоша қилинг:

Мазкур технология «хитойча Apple»нинг қайси смартфонида қўлланиши ҳозирча номаълум. Эҳтимол, уни намойиш куни аллақачон маълум бўлган янги флагманда кўрармиз.

ЎҚИНГ: Навбатдаги Xiaomi флагманининг тақдимот санаси эълон қилинди