«Калашников» энди электромотоцикл ҳам яратди

Ҳозирда электрда ишловчи автомобиллар – электрокарларнинг тури кўп. Жумладан, куни кеча Tesla компанияси футуристик ва «ўқ ўтмас» Cybertruck электрик пикапини намойиш этди.

ЎҚИНГ: Фақат «Тесла»ми? «Калашников» ҳам суперкар чиқармоқчи

Энди электрик мотоцикллар сафи ҳам кенгайиб бормоқда. «ПроеКТОриЯ» форумида «Калашников» концерни яратган, шаҳарда юришга мўлжалланган электромотоцикл прототипи намойиш этилмоқда.

Café Racer номини олган электромотоцикл битта қувват билан 100 километргача юра олади. У доимий ток асосида ишловчи, суюқлик билан совитиладиган двигателга эга. Максимал қуввати – 50 кВт, энг юқори тезлиги – 100 км/соат. Мотоциклга қувват литий-ионли аккумулятордан келади.

ЎҚИНГ: Учар мотоцикл намойиш этилган ролик 1 кунда миллион маротаба кўрилди

«Калашников» яратган электромотоцикл вазни 155 килограмм келади. Айтиш керакки, Xiaomi’нинг шундай мотоцикли – Super Soco TC 1500W модели бундан икки баравар енгил. Тағин унинг битта қувват билан юриш захираси ҳам катта – 160 километрга тенг.

Ҳозирча прототип босқичида бўлса-да, электромотоциклни бемалол ҳайдаш мумкин. Унинг оммавий ишлаб чиқарилиш ва бозорга чиқарилиш вақти, шунингдек нархи ҳозирча номаълум.

ЎҚИНГ: Калашников дронларга қарши янги қуролини намойиш этди (+видео)