«Калашников» смартфонга боғланувчи ақлли милтиқ намойиш этди (+видеолар)

  •   DiMaX
  •  1250
  •  19.08.2020 10:30

«Калашников» смартфонга боғланувчи ақлли милтиқ намойиш этди (+видеолар)

Ҳамма нарсага «ақл бахш этаётган» янги технологиялар қуролсозликни ҳам четлаб ўтмаган. Масалан, аввалроқ «Калашников» концерни қарши янги қуролини намойиш этган ва биз унинг видеосини чиқарганмиз.

ЎҚИНГ: Энг замонавий қурол-аслаҳалар нимага қодир?

Ушбу компания энди ижтимоий тармоқларда ўзининг янги ишланмасини эълон қилди. «Калашников» уни «инновацион дизайндаги биринчи ақлли милтиқ» деб мақтанмоқда.

Концерн уни силлиқ стволли МР-155 қуроли базасида тайёрлаган бўлиб, янги милтиқ мобил қурилмалар билан синхронлаша олади.

«Калашников» мазкур смарт-милтиқ прототипини 23–29 август кунлари Москва областида бўлиб ўтадиган «Армия-2020» форумида тўлақонли намойиш қилмоқчи.

ЎҚИНГ: Уч буюк держава – Россия, АҚШ ва Хитой ҳарбий қудратини рақамларда батафсил солиштириб кўрсатишди

Компания «ВКонтакте» ҳамда Instagram тармоқларида ақлли қуролнинг прототипи қандай ишлашини кўрсатувчи реклама ролигини эълон қилган.

Ушбу смарт-қурол коллиматорли мўлжал ва дисплейга эга бўлиб, дисплейидаги менюда «камера», «медиа», «отишма», «вақт», «созламалар» ва «компас» бандлари кўзга ташланади.

ЎҚИНГ: Фақат «Тесла»ми? «Калашников» ҳам суперкар чиқармоқчи