Катта экран катта пул дегани эмас

Катта экран катта пул дегани эмас

Nokia бренди ўрта бюджетли, шахсий фойдаланишлар учун Windows 11 операцион тизимида ишлай оладиган янги PureBook Pro ноутбукини тақдим қилди. Юмалоқ қиррали, нафис дизайнга эга янги ноутбук иккита, катта ва кичик моделда Off Global томонидан ишлаб чиқарилади ва сотилади. 

PureBook Pro 15.6 ва 17.3 дюймли, 1920х1080 резолюцияли Full HD экранга эга бўлиб, унинг 2 мегапикселли камераси ҳам бор. Қурилманинг кўп қисми пластикдан, ёпилувчи қопқоғи эса алюминийдан тайёрланган. 19.05 ва 19.6 миллиметр қалинликда, оғирлиги эса 1.7 ва 2.5 килограмни ташкил қилади. 

"Капот остида" PureBook Pro 12-авлод Intel® Core™ i3 процессори, 8 GB DDR4 оператив хотира, 512 SSD хотира сизнинг виртуал оламдаги ишларингиз самарадорлигини оширишга хизмат қилади. Батарея қуввати 57 ва 63 ватт-соат бўлиб, бу ноутбукнинг 10 соат давомида ишлашини таъминлайди. Ён томонда жойлашган иккита USB-C портлари 65W тезликда ноутбукни атиги 30 дақиқа ичида 60% гача қувватланиши имконини беради. Шу билан бирга унда битта USB-А, аудио порти ва қўшимча хотиралар учун Micro CD слоти, клавиатура икки четида 4х8 овоз кучайтиргичлари мавжуд. 

Шунингдек, PureBook Pro бармоқ изи сканерига ҳам эга ва бу билан ноутбукни бир босиш билан қулфдан оча оласиз. Hоутбукда 14х8 ва 17х9.5 ўлчамда сенсорли панел ва орқадан ёритиладиган клавиатура бўлади, аммо қўшимча рақамли панел бўлмайди. 

PureBook Pro ноутбуки Франсия, Белгия, Финландия, Денмарк, Швеция, Лухембург, Нидерландия, Австрия, Германия, Ирландия, Италия, Полша, Португалия, Испания, Норвегия, Исландия, Буюк Британия, Швейтсария, Марокаш, Тунис, Канада ва Таиланд мамлакатларида кўк, қизил, тўқ кулранг, кулранг рангларда €699 ва €799 нархда сотувга чиқарилиши кутилмоқда. 

Nokia янги ноутбукини МWC 2022 кўргазмасида ҳам тақдим қилинади.

ЎҚИНГ: Microsoft компютерингиз Windows 11 учун мос эмаслигини эслатиб туради 

Сайтимизнинг энг чиройли расмларини Инстаграмдаги саҳифамизда томоша қилинг!