Келажак мобил дисплейлари қандай бўлиши кўрсатилди
Xiaomi Mi Mix Alpha смартфони учун экранлар ва Xiaomi Mi Note 10'га шаршара дисплейлар етказиб берувчи Visionox компанияси Хитойнинг Анҳуи провинциясининг Хефей шаҳрида ўтказилган уч кунлик тадбирда баъзи қизиқарли прототипларни намойиш этди.
Биринчидан, Visionox рулонга айланадиган ўзининг мослашувчан AMOLED панелини намойиш этди. Ишлаб чиқувчиларнинг таъкидлашича, айрим вазиятларда мобил қурилманинг майдони ўралган кострукция майдонидан ҳам кўпроқ қисқариши мумкин.
Аммо шу нарса аниқки, ушбу технология реал маҳсулотга айланиши учун ҳали анча вақт керак. Гап шундаки, кўргазмада ишлаб чиқарувчи фақат дисплейнинг ўзини намойиш қилди, холос. У ҳатто бирон бир прототип корпусига ўрнатилмаган ҳам.
Бундан ташқари, Visionox, шунингдек, Motorola Razr 2019 билан деярли бир хил тарзда йиғиладиган камера смартфонини намойиш этди. Асосий фарқ шундаки, йиғилаётганда олдинги панель оддий смартфоннинг орқа панелига ўхшайди. Бу пайтда эса фойдаланувчиларда қўшимча экран бўлмайди.
Йиғилувчи смартфон 6,47 дюймли AMOLED дисплей билан жиҳозланган. Visionox'нинг қўшимча қилишича, смартфон очилган пайтда марказдаги чизиқлар сезилмайди. Телефон олд камера учун томчи шаклидаги тириқиш билан жиҳозланган ва йиғилганда қалинлиги 13,3 мм ни ташкил қилади.
Ва ниҳоят, Visionox деярли рамкасиз смартфонни намойиш этди. Телефон пастки қисмида кенглиги 1,5 мм бўлган кичкина ҳошия ва бошқа учта томондан 0,7 мм кенгликдаги бир текисдаги ром чизиқларга эга. Экран олд панелнинг 96,57 фоизини эгаллайди.
ЎҚИНГ: Samsung Galaxy S11: тақдимот санаси, дисплей ва камераларнинг техник жиҳатлари маълум бўлди
