Келажакдаги Huawei смартфонлари янада чидамли бўлади!
Замонавий фойдаланувчилар бахтига қарши, сўнгги йилларда, смартфон ишлаб чиқарувчилар аккумулятор сиғими 3 000 мА/соатлик қурилмалар чиқаришни келишиб олишган эди. Қувватланиш даражаси ҳақида ҳам худди шуни айтиш мумкин: улар кўпинча 10-15 ватт дан ошмайди. Хабарларга кўра, Huawei компаниялар “картель“идан чиқишга ва ўйин қоидаларини ўзгартиришга қарор қилган.
Интернетда Huawei бўлажак смартфонларига оммавий равишда ўрнатмоқчи бўлган аккумуляторнинг расми пайдо бўлди. Афтидан, Huawei ва Honor бўлажак қурилмаларининг аксарият қисми 4 100 мА/соатлик аккумуляторлар билан жиҳозланади. Компания йилдан йилга энергия тежамкор процессорларини мустақил равишда кўпроқ ишлаб чиқараётганини ҳисобга олиб хулосалаш мумкинки, Хитой гигантининг бўлажак смартфонлари ўзининг анча сезиларли автономияси билан мақатана олади. Қўшма Штатлар тазйиқи ортгани сари компания смартфонларини янада кучайтирилган аккумуляторлар билан чиқаришга қарор қилган кўринади. Бу смартфонларида Google хизматлари мавжуд эмаслигининг ўрнини қоплаш ва европалик мижозларни жалб қилишнинг энг яхши усулидир.
Қодиров Ҳусан тайёрлади.
ЎҚИНГ: Huawei Kirin 1000 чипи устида ишлаётгани хабари берилмоқда
