Келаси ҳафта Snapdragon 8 Gen1 чипи билан жиҳозланган илк смартфон тақдим этилади
30 ноябрь куни Qualcomm компанияси ўзининг янги Snapdragon 8 Gen1 чипини тақдим этди. Ушбу 4 нанометрлик чип биринчи бўлиб Motorola компаниясининг Edge X30 смартфонига ўрнатилади.
Weibo платформаси орқали компания Edge X30 смартфони 9 декабрь куни Хитой вақти билан 19:30 тақдим этилишини маълум қилди.
Тизерда смартфон ҳақида ҳеч қандай маълумот берилмаган. Аввалги миш-мишларда Edge X30 смартфони 68.2 ватт қувватлаш технологияси ҳамда 5,000 мАс сиғимли аккумуляторга эга бўлиши айтилган эди.
Шунингдек, смартфон 144Hz экран янгиланиш частотасида ишловчи 6.67 дюймли AMOLED дисплейи билан жиҳозланиши тахмин қилинмоқда.
Камералар ҳақида маълумот берадиган бўлсак, смартфон 60МП селфи камера, 50МП асосий камера, 50МП ультракенг камера ҳамда 2МП сатҳ камерага эга бўлади.
