Кейинги ҳафтадаёқ тақдим этилаётган ёшларбоп Xiaomi Play смартфонини расмий суратларда кўрамиз!
Xiaomi компанияси асосан геймерларга мосланган яна битта янги смартфон тайёрлагани ҳақида хабар бергандик. Бу – жаҳон бозорига мўлжаллаб чиқарилган Pocophone F1 арзон флагманининг Хитой учун тайёрланган модификацияси бўлиши мумкин, деган фаразлар нотўғри бўлиб чиқди.
ЎҚИНГ: Xiaomi яна битта ўйинбоп смартфон – сирли Mi Play’ни тақдим этяпти!
Аввало, бу модел Mi Play эмас, балки Xiaomi Play деб номланаётган экан, бу модел аллақачон TENAA сайтида ҳам пайдо бўлган (юқоридаги сурат). Компания уни 24 декабрда расман намойиш этишини қуйидаги тизери орқали эълон қилган:
Қолаверса, ҳали бир неча соат аввал Xiaomi ушбу смартфонининг дизайни аниқ кўрсатилган расмий тизерларини ҳам тарқатди:
Xiaomi Play олд юзаси «хитойча Apple» смартфонларига хос бўлмаган дизайнга эга эканини кўрамиз: унинг ромсиз дисплейи тепасида ярим доира шаклидаги «кемтик»ка эга.
ЎҚИНГ: Xiaomi Redmi 7, Redmi 7A ва Redmi 7 Pro аллақачон сертификатланди – уларнинг тақдимоти яқин!
Корпуснинг орқа панелига келсак, юқори чап бурчакда тикка жойлашган камера ҳамда ўртадан ўрин олган бармоқ изи сканери кабиларни Mi 8 ва бошқа моделларда ҳам учратамиз:
Компаниянинг ўзи ҳам таъкидлаётганидек, Xiaomi Play асосан ёшларга мўлжалланган моделдир. Тизерлардаги ёзувга кўра, бу смартфонда «Ҳар ерда ва ҳар вақт ўйин ўйнаш, ҳеч бир чекловсиз Weibo’да видео кўриш» мумкин.
Хабарларга кўра, унинг жамланмасига интернет-трафик ҳам киритилган – шунга қараганда, Xiaomi бу смартфонни ўзи эмас, балки қайсидир маҳаллий алоқа оператори орқали сотади. Компаниянинг жаҳон бозорига чиқарган турли смартфонларини эса 809 000 сўмдан бошланувчи нархларда сотиб олиш мумкин.
