Кейинги iPhone’лар ҳам, худди Galaxy S10 каби, «кўринмас» олд камерали бўлади!

  •   DiMaX
  •  566
  •  29.09.2018 11:50

Кейинги iPhone’лар ҳам, худди Galaxy S10 каби, «кўринмас» олд камерали бўлади!

Apple корпорацияси смартфоннинг олд юзасини экран имкон қадар кенгроқ қоплашини таъминлаш мақсадида, iPhone X юбилей суперфлагманида олд камера ва бошқа датчикларни жойлаштириш учун дисплейнинг тепасида «кемтик» қолдиришни жорий этганди. Кейинчалик бу трендга айланиб кетган, фақатгина «ашаддий рақиби» ўз смартфонларида «ўйиқли» экран қўлламасдан, бошқа ечим топган.

ЎҚИНГ: Бунақаси бўлмаган: Galaxy S10 селфи-камераси экраннинг ўзига жойланган, аммо у «ғойиб бўла» олади! («жонли» суратлар)

Хабарларга кўра, энди купертинолик корпорация ҳам ўзининг смартфонларида «кўринмайдиган» селфи-камералар жорий этмоқчи. Бу ҳақда Хитойдаги GF Securities инвестицион компаниясининг таҳлилчиси Жефф Пу (Jeff Pu) маълумот берган.

Айтилишича, iPhone’лар учун камера объективлари етказиб берувчи Largan Precision компанияси махсус қора қоплама яратиш устида ишламоқда. Бу қоплама олд камералар линзалари учун қўлланган бўлиб, уларни кўринмас қилишга мўлжалланган.

Таҳлилчининг фикрича, 2020 йилда ушбу технологияни битта ёки иккита смартфонсоз ўз маҳсулотида қўллаши мумкин. Largan Precision купертиноликлар билан жипсроқ ҳамкорликда эканини ҳисобга олсак, бунақа яширин олд камералар келажакдаги iPhone’ларда қўлланиши эҳтимоли юқори.

Apple’нинг шу пайтгача чиқарилган бир неча моделлардаги айфонлари қатори, бу йилги флагманлари ҳам уйингиз ёки офисингиздан чиқмасдан туриб, интернет-дўконимиздан онлайн тарзда сотиб олишингиз мумкин. Бунда ўзингизга қулай тарзда тўлов қилишингиз, ҳақини харидингиз қўлингизга текканидан сўнг тўлашингиз каби имкониятлар ҳам мавжуд.

ЎҚИНГ: ХУШХАБАР: iPhone Xs ҳамда iPhone Xs Max энди Terashop.uz’да! Шу ва бошқа айфонлар нархлари билан танишинг! (2018 йил 24 сентябрь)