Kirin 810 тақдим қилинди! Snapdragon 730'ни ер тишлатган процессор яна нималарга қодир?
Huawei компанияси бугун янги Kirin 810 процессори ўрнатилган илк смартфон Nova 5’ни намойиш қилганини айтиб ўтгандик. Айтиб ўтганимиздек, Ушбу яккакристалли тизим 2,27 ГГц частотали иккита Cortex-A76 ҳамда 1,8 ГГц частотали олтита Cortex-A55 ядерларидан, NPU блоги ва GPU Mali-G52 видеотезлаштиргичидан ташкил топган.
Бироқ, Kirin 810 аслида, самарадорлик бўйича қандай натижа кўрсатади? Компаниянинг айтишига қараганда, янги процессордаги GPU, Kirin 710’дагисига қараганда 162 % фоизга тезлашган. Snapdragon 730 билан таққослаганда эса, Huawei’нинг янги платформаси 1 ядерли синовда 11 фоизга, кўп ядерлик синовда эса 13 фоизга устунлик қилмоқда. Ажабланарлиси, Kirin 810’даги GPU, Adreno 618’га қараганда нақ 44 фоизга тезроқ ишлайди! Бу албатта жуда ажойиб натижа. Зеро, Snapdragon 730 айни дамда Qualcomm компаниясининг (SD 800 сериясидан ташқари) энг самарадор процессори ҳисобланади.
AnTuTu тестида Nova 5 смартфони 237 000 балл олган бўлиб, бу Snapdragon 730 ва Kirin 970 кўрсатган натижалардан сезиларли равишда ортиқ. Албатта смартфоннинг ҳақиқий самарадорлиги ва устунлиги вақт ўтиб, реал фойдаланувчилар синовидан сўнг аниқ бўлиши тайин.
ЎҚИНГ: 2019 йилнинг энг зўр 10 смартфони («Роскачество» талқини) ва нархлари
