Клавиатурага қарамай матн теришни ўрганамиз (1-қисм)

Клавиатурага қарамай матн теришни ўрганамиз (1-қисм)

Клавиатурага қарамасдан матн тера олиш қобилияти компьютерда ишлаш самарадорлигингизни кейинги босқичга олиб чиқади. Компьютер билан унча кўп ишламаган бўлсангиз, клавиатурага қарамасдан ёзишни ўрганиш аввалига бироз мураккаб бўлиши мумкин, аммо етарлича шуғулланиш билан бу қобилиятни ҳам ўрганиб олиш мумкин. Аввало, энг оддий жиҳатларга эътибор қаратинг, кейин эса асталик билан тез ёзишни бошлайсиз.

Қуйида клавиатурага қарамай лотин ёзувида матн териш ҳақида суҳбатлашамиз. Ушбу мақоламиз ҳажман анчайин катта бўлгани уни уч қисмга бўлиб тақдим этамиз. Ҳозирги биринчи қисмни шартли равишда клавиатура билан яқиндан танишиш, деб номлашимиз мумкин.

ЎҚИНГ: Бир ярим аср олдин тарихдаги илк QWERTY-клавиатура қаерда қўлланган?

1. Қаддингизни ростлаб ўтиринг. Тирсагингиз 90 даража бурчак остида букилган бўлсин. Клавитурага қарамасдан матн теришни ўрганишда мушаклар хотираси керак бўлади, аммо қаддингизни тўғри тутишнинг аҳамиятини ҳам унутмаслик керак. Белингизни суяб ўтирсангиз бўладиган қулай стул топинг. Тирсакларингизни керакли бурчак остида букинг, бармоқларингизни клавиатура устига қайрилган ҳолда жойлаштиринг. Бошингиз компьютер мониторидан бир қўл узунлигида бўлсин. Тирсак ва бармоқлар жойлашувига ҳам эътибор қаратишни ёдда сақланг.

• Агар қаддингизни тўғри тутмасангиз, матн теришда қийналасиз.

• Қўл учун ёстиқчадан фойдаланиш ҳам иш бериши мумкин.

2. Бармоқларингизни «уй қатор» клавишлари, яъни ASDF ҳамда JKL устига жойлаштиринг. «Уй қатор» клавишлари клавиатурага қарамай матн тераётганда катта аҳамият касб этади. Ушбу клавишлар жойлашувидан фойдаланиб, бармоқларингизни клавиатура бўйлаб тўғри ҳаракатлантира оласиз.

• Клавитурага қарамасдан матн тераётганда «уй қатор»ни «F» ва «J» клавишларидаги кичик бўртма орқали, бармоғингизни пайпаслаш билан аниқлашингиз мумкин.

• Чап қўлингиз чимчалоғини «A» ҳарфи устига, номсиз бармоқни «S» ҳарфи устига, ўрта бармоқни «D» ҳарфига ва кўрсаткич бармоғингизни «F» ҳарфи устига қўйинг.

• Ўнг қўлингиз чимчалоқ бармоғини эса нуқтали вергул устига, номсиз бармоғингизни «L» ҳарфи устига, ўрта бармоғингизни «K» ҳарфига, кўрстакич бармоғингизни эса «J» ҳарфи устига қўйинг.

3. Чап қўлингиз билан босишингиз керак бўлган ҳарфларни билиб олинг. Чап қўлингиз кўрсаткич бармоғи билан «V», «B,» «R», «T», «5» ва «6» клавишларини босасиз. Чап ўрта бармоғингиз эса «E» «S» ва «4» ларга «масъул» бўлсин. Номсиз бармоғингиз билан эса «W», «X» ва «3» тугмаларини босасиз. Чимчалоғингиз эса «Q» «Z» «1» ва «2» клавишларини босади.

4. Ўнг бармоғингиз билан босишингиз керак бўлган клавишларни билиб олинг. Ўнг қўлингиз кўрсаткич бармоғи билан «H», «N» «M» «U», «Y» ва «7» тугмаларини босасиз. Ўрта бармоғингиз билан вергул, «I» ва «8» клавишларини босасиз. Номсиз бармоғингиз «O», «9» ва нуқта клавишларини боссин. Чимчалоғингиз эса «0», «P» (\), тутуқ белгиси, минус ва тенглик белгилари ва ҳар икки қавсга «жавобгар» бўлсин.

• Аввалига буларнинг барчасини эслаб қолиш, табиийки, қийин туюлади. Аммо сабр билан қайта-қайта шуғуллансангиз, секин-асталик билан бу маҳоратнинг ҳадисини оласиз.

ЎҚИНГ: Клавиатуралар ҳақида қизиқарли фактлар (1-қисм)

5. QWERTY қаторидаги ҳарф ва рақамларни босиш учун бармоқларингизни чўзинг. Кетма-кетликда «Q», «W», «E», «R», «T», «Y», «U», «I», «O» ва «P» тугмалари ҳамда қавсларни босиб чиқинг. Ҳар бир тугмани босиб бўлгач, бармоқларингизни яна «уй қатор» клавишларига қўйинг.

• Бармоқларингизни «уй қатор»дан юқорида жойлашган қатордаги клавишларга томон чўзиб, яна ортга қайтаришни машқ қилинг.

• Чап қўлингиз чимчалоқ бармоғи «Q» ва «1» тугмаларини босади, чап номсиз бармоғингиз эса «W» ва «2» га жавобгар. Чап ўрта бармоғингиз «E» ва «3» ни боссин, чап кўрсаткич бармоғингизга эса «R», «T», «4» ва «5» ларни босишни вазифа қилиб юкланг.

• Ўнг кўрсаткич бармоғингиз «Y», «U», «6», «7» чап ўрта бармоғингиз «I» ва «8» ни, ўнг номсиз бармоғингиз «O» «9» ҳамда чимчалоғингиз «P», «O» ни боссин.

6. «Уй қатор»дан қуйидаги ҳарфларни босинг. «Z», «X», «C», «V», «B», «N», «M», вергул, нуқта ва дроп тугмаларини босинг. Бармоқларингизни қуйи қаторга тушириб яна ортга қайтаришни машқ қилинг.

• Чап чимчалоқ бармоғингиз билан «Z» ни, чап номсиз бармоғингиз билан «X» ни, чап ўрта бармоғингиз билан «C» ни ва чап кўрсаткич бармоғингиз билан «V», «B» тугмаларини босинг.

• Ўнг қўлингиз кўрсаткич бармоғи билан «N» ва «M», ўрта бармоғингиз билан вергул, номсиз бармоғингиз билан нуқта ва чимчалоқ билан дроп тугмаларини босинг.

7. Ҳар икки бош бармоғингиз билан пробелни босинг. Ҳар икки қўлингиз бош бармоғини пробел тугмаси устига қўйишни одат қилинг.

8. Ҳар қандай ёрдамчи тугмани чимчалоғингиз билан босинг. Ён томонда жойлашган ўчириш, Tab ва Shift тугмалари учун чимчалоқ бармоғингиз жавобгар бўлсин.

ЎҚИНГ: Клавиатуралар ҳақида қизиқарли фактлар (2-қисм)

Хабарларни тез ва осон ўқиш учун Андроид иловамизни сақлаб олинг.