Клавиатураларда янги тугмача пайдо бўлиши мумкин!

Microsoft компанияси ўзининг стандарт клавиатурасидаги “меню” ёки “Right Alt” ўрнига Office тугмачасини қўшишни режалаштирмоқда. Бу ҳақда Gizmodo портали маълумот бериб ўтган.

Порталнинг ёзишича, сичқончанинг ўнг тугмасини босиш вазифасини такрорловчи «меню» клавиши амалда деярли ишлатилмайди, ўнг тараф “Alt” клавиши эса аллақачон эскирган. Microsoft'нинг ушбу қарорига бўлган энг катта эътироз сифатида, компания ушбу функцияни амалда қўллаш учун шунчаки янги клавиатура комбинациясини ажратиши мумкин эканлиги иддао қилинмоқда. Айтиш керакки, Microsoft ўзининг янги ғояларини амалда қўллашдан аввал фойдаланувчилар фикрини инобатга олиб келади.

Эслатиб ўтамиз, сўнги марта 1994 йилда Microsoft стандарт клавиатураларида ўзгартиришни амалга оширган эди. Ўшанда, компания иккита қўшимча – “меню” ҳамда Windows тугмачалари мавжуд бўлган Microsoft Natural keyboard’ни тақдим этганди.

ЎҚИНГ: Windows 7 hamda Windows XP’da jiddiy xavf bor – tezda yangilab oling!