Коинот ҳамма учун: АҚШ Миллий ифтихори саналган аппарат Европада ишланган бўлиб чиқди

«Америкада ишлаб чиқарилган» кўргазмасида намойиш қилинган экспонатларнинг бири иштирокчиларнинг ҳафсаласини пир қилди. Маълум бўлишича, Америка ифтихори деб ҳисобланаётган Orion коинот кемасининг янги капсуласи Европада ишлаб чиқарилган ускуналар ёрдамида тайёрланган экан.

“Бу ерда, яъни Оқ уй олдидаги майсазорда коинот капсуласи. Унинг ҳар бир детали Америкада тайёрланган”.

Президент Дональд Трамп кўргазма иштирокчиларини Orion коинот кемаси экипажи учун тайёрланган янги бўлма билан таништирар экан, ана шундай сўзларни ғурур билан таъкидлаб қўйди. Хўш нима бўпти, демоқчимисиз? Гап шундаки, АҚШ Президенти бу гапларни айтаётганда аппаратни яратишда Европа компанияларининг иштироки ҳақида бир оғиз ҳам гап айтмади, аммо Еропа билан иқтисодий урушни эслаб қўйди.

ЎҚИНГ:НАСА ўзга сайёраларни инсониятдан ҳимоя қилмоқчи

Мазкур аппарат юз фоиз Американики эмас. Кеманинг хизмат модули ва  двигатели  тўлалигича Европада тайёрланган компонетлардан ясалган. Модулни яратиш билан бош қароргоҳи Франциянинг Тулуза шаҳрида жойлашган Airbus корпорацияси шуғулланган. Двигателни яратишда Европанинг бошқа компаниялари ҳам иштирок этган. НАСА энди ўзининг коинот аппаратини бошқариш учун илк бор Европада яратилган тизимдан фойдаланади.

Глобализация туфайли ишлаб чиқаришда қўлланиладиган мураккаб деталлар юз фоиз АҚШда тайёрланаётгани йўқ. Масалан, ўтган йилги кўргазмада  Дональд Трамп янги Boeing ҳаво кемасини фахр билан намойиш қилганди. Аслида, ушбу машинанинг ҳам учдан бир қисми хорижий мамлакатларда тайёрланган.

ЎҚИНГ:НАСА инсонни Марсга элтувчи ракета дизайнини якунлади