Компания шу кунгача нима ишлар қилди? «Ўзбектелеком»га савол беринг!
«Ўзбектелеком» томонидан телеграм-бот ишга туширилди, бу ерда Компанияга бажарган ишлар ҳақида ҳар қандай савол бериш мумкин. Энг яхши саволлар муаллифлари 30 ноябрь куни Ўзбекистон Республикаси Ахборот технологиялари ва коммуникацияларини ривожлантириш вазирлиги телекоммуникация тармоқларини модернизация қилиш, IT-технологияларни ривожлантиришнинг асосий йўналишлари ва уларнинг миллий иқтисодиётни ривожлантиришдаги ўрнига бағишланган анжуманга таклиф этилади.
Тадбирда Ўзбекистон Республикаси алоқа ва ахборотлаштириш соҳасидаги давлат органлари, ташкилотлари ва корхоналари, операторлар ва провайдерлар иштирок этади.
ЎҚИНГ: Ўзбекистон интернет тезлиги бўйича жаҳонда нечанчи ўринда?
Анжуманда Ўзбекистон Республикаси Президентининг Интернет тармоғига чиқиш нархларини пасайтириш, шунингдек уланиш тезлигини ошириш ва 2020 йилга келиб МДҲ давлатлари даражасигача кўтаришдек топшириқларини бажариш бўйича «Ўзбектелеком» АКнинг ҳисоботини тақдим этилади.
ЎҚИНГ: РАСМАН: 1-декабрдан интернет тезлиги ва трафик ҳажми оширилади!
