Кўпчилик кутаётган смартфон халқаро бозорга сотувга чиқмоқда
Xiaomi Redmi Note 12 Pro+ моделининг халқаро бозорга 5 январь санасида сотувга чиқиши расман маълум бўлди. Бу Redmi смартфонлари орасида биринчи 200МП камерага эга бўлган смартфон бўлса, Xiaomi компаниясининг умумий қурилмани ичида Xiaomi 12T Pro моделидан сўнг иккинчи бўлди.
Ўтган ҳафтада Xiaomi тез кунларда Ҳиндистон бозорига Redmi Note 12 серияси кириб келишини эълон қилинган эди. Аммо унда аниқ бир сана айтилмаган эди. Шунингдек, унда қайси моделлар сотувга чиқиши ҳам айтилмаган.
Халқаро бозорга катта эҳтимол билан Redmi Note 12, Note 12 Pro ва Note 12 Pro+ моделлари сотувга чиқади. Серияда 210 ваттда қувват олувчи Redmi Note 12 Discovery модели ҳам бор. Афсуски, ушбу модель фақат Хитой бозори учун эксклюзив бўлиб қолиши мумкин.
Redmi Note сериялари Xiaomi компанияси учун жуда катта муваффақиятларни олиб келиши исботланган. Компания ушбу моделлардан 300 миллион дона сотган. Ҳозирча Redmi Note 12 моделларининг халқаро бозорга қандай нархда сотувга чиқиши номаълум.
Эслатиб ўтамиз, ўтган йили Redmi Note 11 серияси халқаро бозор учун 26 январда тақдим этилган эди. Ундаги Redmi Note 11 модели 180 доллар, Note 11S модели 250 доллар, февраль ойи ўртасида тақдим этилган Redmi Note 11 Pro ҳамда Note 11 Pro 5G моделлари мос равишда 300 ва 330 доллар нархда сотувга қўйилган эди.
