Коронавируснинг «ёндош таъсири» чиқди, лекин бунинг давосини биз биламиз!

  •   DiMaX
  •  898
  •  13.04.2020 15:38

Коронавируснинг «ёндош таъсири» чиқди, лекин бунинг давосини биз биламиз!

Бутун дунёда коронавирус пандемияси туфайли кишилар ўз-ўзини изоляциялаш шароитида ўтиришибди. Одамларнинг уйдан бирор заруратсиз чиқмасликлари учун турли онлайн сервислар ривожлантирилди, ўйинлар вақтинча ёки бутунлай бепул қилинди...

ЎҚИНГ: Карантин пайтида қизиқарли ва бепул онлайн таълим олинг!

Бироқ мазкур жараёнлар фонида одамларда гаджетларга боғланиб қолиш, ўйинларга муккасидан кетиш, ижтимоий тармоқларга тобелик каби ҳолатлар ошиб кетяпти. App Annie таҳлил компанияси бу борада эълон қилган маълумотлар чиндан ҳам кишини чўчитадиган рақамларни акс эттиради.

App Annie турли мамлакатлар аҳолиси мобил телефонларга тикилиб ўтказаётган вақтлар жуда ошиб кетганидан хавотирда. Эпидемия ва чекловларга бошқалардан аввал дуч келган хитойликлар олдингига нисбатан 30 фоизга кўп – кунига 5 соат вақтини смартфонга термилиб ўтказишган.

Бутун дунё бўйича эса, фақат биринчи чорак натижаларини 20 фоизга ошган. Мазкур статистикада Android-смартфонларга ўрнатилган иловалар ва ўйинлар маълумотлари ҳисобга олинган.

ЎҚИНГ: Сизнинг орқангиздан ҳам келишади: компьютер ўйинларига берилиш касаллик деб эълон қилинди

Тадқиқотга кўра, смартфонларга боғланиб қолиш энг кўп Франция, Германия, Италия, Буюк Британия ва АҚШ аҳолисида кузатилмоқда. Италияда март ойининг ўзидаёқ смартфонга тобелик 30 фоизга ошган. Қолган мамлакатлар эса авжига энди чиқяпти – бу кўрсаткич Францияда 15%, Германия ва АҚШда эса 10%.

App Annie ҳисоботида айтилишича, йилнинг илк чорагида фойдаланувчилар iOS ҳамда Android тизимли қурилмаларига 31 миллиарддан ошиқ илова юклаб олишган ва уларга 23,3 миллиард доллар сарфлашган! Google Play каталогидан 8,3 миллиард долларлик 22,5 дастур юклаб олинган бўлса, App Store дўконидан 15 миллиард долларлик 9 миллиард илова кўчирилган.

Таҳлилчилар фикрича, одамларнинг телефонга сарфлайдиган вақтлари яқин орада фақат ошиб боради. Terabayt.uz эса тобеликдан қутулиш борасида бир нечта йўриқнома эълон қилган. Жумладан, ижтимоий тармоқлардан қутулиш йўллари, тармоқларда тарк этишингиз лозим бўлган ўнта одат, смартфонга тобеликдан қутулиш усуллари, интернетга боғланиб қолишнинг ўнта белгиси, смартфон фойдаланувчиси учун муҳим 10 қоида ҳақидаги мақолаларимиз билан танишиб чиқишни тавсия этамиз.

ЎҚИНГ: Болангиз смартфондан бош кўтармаяптими? Айб сизнинг даромадингизда!

Сайтимизнинг энг чиройли расмларини Инстаграмдаги саҳифамизда томоша қилинг!