Криштиану Роналду Binance билан ҳамкорлик қилади

Криштиану Роналду Binance билан ҳамкорлик қилади

Португалиялик таниқли футбол юлдузи Криштиану Роналду дунёдаги энг катта крипто-биржа платформаси билан шериклик қилади, деб хабар бермоқда Financial Times нашри. Маълум бўлишича, ушбу кўп йиллик ҳамкорлик Роналду билан NFT'лар коллексиясини яратишга ва уларни Binance орқали сотишга қаратилган.

"Мухлисларим билан муносабатим мен учун жуда муҳим. Шунинг учун, уларга ушбу NFT платформаси орқали тажриба улашиш ғояси мен хоҳлаган нарсадир", - дейди Роналду.

"Криштиану Роналду дунёнинг энг яхши футболчиларидан бири ва у спортдан ташқари, кўплаб соҳаларда тимсолга айланади. У ўзининг ҳақиқийлиги, истеъдоди ва хайрия ишлари орқали дунёдаги энг содиқ мухлисларни тўплаган", деди Binance ижрочи директори Чангпенг Чжао.

Март ойида Роналду спортдаги ютуқлари учун криптотокенлар билан тақдирланган эди. Футбол юлдузига урган ҳар бир голи учун "Ювентус"нинг расмий JUVтокенлари берилган.

ЎҚИНГ: Хаби ТикТок юлдузидан биринчиликни тортиб олди