Кучайтирилган Moto Z3 Play сотувга чиқди
Ҳозирда Хитойнинг Lenovo компаниясига қарашли бўлган Motorola компанияси Moto Z3 Play смартфонининг янада кучли версиясини тақдим этди. Модель қора рангда бўлиб, хотира сиғими янада кенгайтирилган. Янги қурилма Бразилияда сотила бошлади.
Агар Moto Z3 Play’нинг стандарт версияси 3 ёки 4 ГБ тезкор ва 32 ёки 64 ГБ ички хотирага эга бўлган бўлса, янги версияси 6 ГБ ли тезкор ва 128 ГБ ли ички хотира билан таъминланади. Қурилманинг стандарт версияси 600 АҚШ доллари турарди, янги версияси 716 АҚШ долларига баҳоланди.
Moto Z3 Play ҳозир урф бўлган ромсиз дизайнда чиқарилган бўлиб, Moto Mod панели билан қўллаб-қувватланган. Қолаверса смартфоннинг яна бир мақтанса арзийдиган жиҳати, бу асосий қўш камераси ва ён қиррасидаги бармоқ излари сканери борлигидир.
ЎҚИНГ: Moto Z3 флагманининг илк расмий сурати эълон қилинди
Корпуси шишали Corning Gorilla Glass панелидан ва 6000 сериядаги алюминли ромдан иборат. Moto Z3 Play смартфони Full HD+ (2160 х 1080 пиксель) форматидаги 6-дюймли дисплей билан таъминланган бўлиб, томонлар нисбати 18 га 9. Асосий қўш камераси 12+5 Мп ва олд камераси 5 Мп.
Қурилма саккиз ядроли Qualcomm Snapdragon 636 процессорига ва 3000 мАч сиғимли аккумуляторга эга.
Moto Mod панелига модулли улаш учун коннектор ҳамда USB Type-C мавжуд. Смартфон Android 8.1 Oreo тизимида ишлайди.
ЎҚИНГ: Motorola One Power бозорда ўз ўрнини топишга ҳозирлик кўрмоқда
