Xiaomi 13 бу сафар кумуш рангда қўлга тушди

Xiaomi 13 бу сафар кумуш рангда қўлга тушди

Яқинда интернетда Xiaomi 13 смартфонининг орқа томони кўрсатилган сурат пайдо бўлган эди. Бироқ, смарфон қора рангда ва ўта сифациз бўлгани сабаб унинг умумий дизайнини баҳолаш мумкин эди холос. Аммо, бу сафар Xiaomi 13 кумуш рангда, бироз бўлсада тиниқроқ суратда кўрсатилди.

Аввал тарқатилган рендерлардан фарқли ўлароқ, ушбу ҳақиқий сурат смартфон камера дизайнини янада аниқроқ деталлар билан кўриш имконини беради. Айтиш мумкинки, гарчи флагман бўлса ҳам Xiaomi 13 худди ўрта даражали смартфонларникидек камера дизайнига эга бўлмоқда, ёхуд унинг камера дизайни Xiaomi 12 ёки Xiaomi 12S Ultra'га таққослаганда анча "бюджетона" кўринади.

Миш-мишларга кўра, смартфоннинг асосий камераси Sony'нинг 1 дюймли IМХ989 сенсори (50МП) билан жиҳозланади. Шу билан бирга, суратга қараб смартфон камера оролига ёзилгандек, биз Leica билан ҳамкорликка гувоҳ бўлишимиз ҳам мумкин.

Қолган техник хусусиятларига келадиган бўлсак, Xiaomi 13 смартфони 6.7 дюймли, 120 герц янгиланиш тезлигига Samsung E6 дисплейи билан чиқарилиши мумкин. Унинг капоти остида эса Snapdragon 8 Gen 2 ва 12ГБ RAM бўлади.

Xiaomi 13 серияси келаётган ноябр ойи охирларида тақдим қилиниши кутилмоқда.

ЎҚИНГ: Redmi яна бир янги бюджет синфидаги смартфонни тақдим этди

Сайт янгиликларидан доимий хабардор бўлиш учун Телеграм каналимизга қўшилинг!