Кун фотоси: Nokia’нинг янги Android смартфонларига тегишли суратлар эълон қилинди
Бугун инсайдерлар Nokia’нинг Android дастурида ишлайдиган флагмани – Nokia P смартфонига тегишли суратларни тармоққа жойлаб, унинг баъзи техник параметрларини ошкор этишди, деб хабар бермоқда Hi-Tech.Mail.Ru.
Nokia P моделининг дизайнианча оддий форм-факторда, афсонавий фин компаниясининг анъаналарида ишланганлиги кўриниб турибди. У энг сўнгги Snapdragon 835 процессорида ишлаши айтилмоқда. Смартфонга 6 ГБ тезкор хотира ва аниқлиги 23 МП бўлган Zeiss фирмаси томонидан тайёрланган оптика ўрнатилади. Шунингдек, флагман Quad HD форматидаги экранга эга бўлади.
Бундан ташқари, Nokia C1 моделига тегишли сурат ҳам эълон қилинган. У анчайин инновацион дизайнда яратилганига қарамай, биринчи смартфон билан солиштирганда бироз оддийроқ техник параметрлар билан жиҳозланган. Жумладан, Nokia C1 4 ГБ оператив хотира, 32/64/128 ГБ доимий хотира, 12+16 МПли қўш камера ва 3120 мА/соатли батарея билан таъминланиши ёзилмоқда.
Аввал хабар берилганидек, Nokia 2017 йилнинг февраль ойида ўтказиладиган MWC 2017 кўргазмасида Android платформасида ишлайдиган янги смартфонларни намойиш қилишни режалаштирган.
