Кун ҳазили: iPhone7 буюртма қилган хитойлик қизга iPhone3S ва iPhone4 жўнатишди

hi-tech.mail.ru нашрининг ёзишича, хитойлик Канель Мими интернет орқали арзонроқ iPhone7 харид қилмоқчи бўлган, бироқ сотувчи қизни алдаб, унга iPhone7 ўрнига iPhone3S ва iPhone4 жўнатади. Ақлли ҳазил, шундаймасми?! Ахир 3 + 4 = 7 бўлади-да 🙂

Хитойлик қиз eBay’дан “пушти олтин” рангидаги iPhone7’га буюртма берган, бироқ жўнатмада 2009 йилда чиқарилган iPhone3S ва 2010 йилда чиққан iPhone4 аниқланган. Шунингдек, жўнатмада Yu Gi Oh ўйинида фойдаланиладиган “Полимерация” картаси ҳам бўлган. Ушбу ўйин қоидаларига кўра, бундай карта иккита заиф жонзотни битта кучлисига айлантиради. Албатта, реал ҳаётда қиз иккита телефонни битта кучлисига айлантира олмаган 🙂