КУТИЛМАГАН ВИДЕО: Ишлаётган ҳолдаги Xiaomi Mi Mix Flex буклама смартфонини «жонли» томоша қилинг!
Кейинги бир йил ичида қайишқоқ экранли, корпуси букланувчи смартфон яратиш борасида кўплаб технологик компаниялар ҳаракат қилишмоқда. Samsung шундай қурилмасини оммага кўрсатди, лекин унгача бир хитойлик компания улоқни илиб кетганди...
Шунингдек, Xiaomi ҳам букланувчи мобил қурилма тайёрлаётгани ҳақида аввалроқ ёзгандик. Эван Бласс никли машҳур инсайдер аллақачон унинг «жонли» видеосини ҳам эълон қилди!
Мана, бирга томоша қиламиз:
Хабарга кўра, бу – Xiaomi ишлаб чиқаётган смартфон ва планшет гибриди, яъни Mi Mix Flex’нинг прототипидир.
ЎҚИНГ: Xiaomi буклама смартфони – Mi Mix Flex нархи ва жиҳатлари билан илк бор танишамиз!
Юқоридаги видеодан келиб чиқсак, ушбу қурилма учта қисмдан иборат бўлиб, икки томонидан ҳам «орқасига» букилади. Шу тариқа, у ёйилган ҳолида планшет бўлса, йиғилганида ҳар икки томони дисплейли смартфонга айланади. Форм-фактор ўзгартирилиши биланоқ экрандаги иловалар ва операцион тизим интерфейси планшет режимидан смартфон режимига ўтади.
Мазкур видеода акс эттирилган гаджетнинг ҳақиқийлиги ҳозирча расман тасдиқланган эмас. Аммо экрандаги интерфейснинг MIUI 10 график қобиғига ўхшаб кетишини инобатга олсак, унинг Xiaomi’га тегишли эканлиги ҳақиқатга яқинроқ.
ЎҚИНГ: РАСМАН: Redmi мустақил бренд бўляпти, илк смартфон тақдимоти – 10 январда!
