КУТИЛМАГАН ВИДЕО: Nokia 8110 эмас, балки ҳақиқий Banana Phone’нинг мустаҳкамлигини синаб кўришди!
Бизга яхши таниш бўлган Nokia 8110 телефонини HMD Global компанияси MWC 2018 анжумани доирасида 4G талқинида қайта тақдим қилганидан хабарингиз бор. Оригинал Nokia 8110 моделини оддий халқ «банан-телефон» деб атайди, аммо ундан бошқа – ҳақиқий «бананафон» ҳам яратилганлигидан ҳали кўпчилик бехабар.
ЎҚИНГ: Banane Phone — йилнинг экологик тоза, хавфсиз телефони бўлиши мумкин
Айтиш керакки, Banana Phone ишлаб чиқариш бўйича таклиф бундан бир йилча муқаддам Indiegogo краудфандинг майдончасида эълон қилинган эди. Қанчалик ғайриоддий кўринмасин, лойиҳа яратувчилари уни ишлаб чиқариш учун керакли миқдорда маблағ тўплашни уддалашибди.
Аслини олганда, Banana Phone – тўлақонли телефон эмас, балки фақат смартфонга уланувчи Bluetooth-гарнитура ҳисобланади, аммо унинг ёрдамида қўнғироқларни қабул қилиш ва бемалол гаплашиш мумкин.
Машҳур техноблогер Зак Нильсон эса ҳали расман бозорга чиқарилмаган мазкур телефоннинг мустаҳкамлигини синаб кўрди ва ушбу жараённинг видеосини JerryRigEverything номли ўз YouTube-каналига жойлади.
Мана, лавҳани биргаликда томоша қиламиз:
Гувоҳи бўлганингиздек, блогер ўз анъанасига кўра, гаджетни текшириш ишини уни тирнаб кўришдан бошлади. Banana Phone’нинг пластик корпусини салгина ўткир жиҳоз билан бемалол тирнаса бўлар экан. Бу қурилмани оловдан ҳам узоқроқ тутиш керак экан – корпуси тезда эрий бошлайди.
Аммо бу девайснинг тузилиши етарлича мустаҳкам экан. Тағин, вазни оғир бўлиши учун Banana Phone ичига шунчаки металл бўлаги ҳам жойлангани қизиқ.
Лекин бу ҳам ҳали ҳаммаси эмас! Тиниб-тинчимаган одамлар аллақачон «ейишли бананафон» яратиш устида ҳам иш бошлашган...
ЎҚИНГ: Еса бўладиган жосуслик банан-телефонига патент олинди
