КУТИЛМАГАН ВИДЕО: «Ёнғоқчақар» Redmi Note 7’ни сув тубида ҳам ишлатиб кўрсатишди – «жони тошдан» экан!
Xiaomi компаниясининг Redmi Note 7 смартфони 48 мегапикселлик камерасидан ташқари, экрани ва корпуси мустаҳкамлиги билан ҳам машҳур бўлиб улгурди. Видеоларда уни йигитлар полга ташлаб тепкилаб, қиз нозик пошнасида эзғилаб, дўмбоқ йигит устига сакраб ўтириб ва яна экрани билан ёнғоқ чақиб ҳам кўрсатишган.
ЎҚИНГ: АНТИҚА ТЕСТ ВИДЕОСИ: Redmi Note 7 экранини оштахта қилиб ишлатишди!
Redmi туркуми мустақил бренд сифатида ажратилганидан сўнг тақдим этилган ушбу смартфон худди флагманлар каби сифатли чиққан. Компания Redmi Note 7’нинг барча тирқишлари чанг ва сув сачрашидан ҳимояланганини таъкидлаган эди. Компания раҳбари Лэй Цзюнь (Lei Jun) буни исботлаш учун ушбу смартфоннинг корпуси очилган ҳолатидаги суратларини тарқатди:
Кўриб турганингиздек, корпуснинг барча портларида, тугмачаларида ҳамда SIM-карта уячасида сувдан ҳимояловчи резина қисмлар мавжуд.
ЎҚИНГ: Бу смартфон кўл тубида 2 ҳафта ётганидан сўнг ҳам ишлайверди!
Бундан ташқари, Redmi Note 7’нинг яна битта «жонли» видеоси ҳам тарқатилди. Унда бу смартфонни ишлаб турган ҳолида сув тўла тоғорага ташлаб, яна олиб ишлатиб кўрсатишган!
Гувоҳи бўлаётганингиздек, гарчи Xiaomi фақат сув сачрашидан ҳимояланган, деган бўлса-да, Redmi Note 7 қисқа муддатда сув остига «шўнғиган» ҳолатда ҳам ишлайверар экан!
ЎҚИНГ: Redmi Note 7 рақиби – Realme 3 ҳам 48 мегапикселлик камерага эга бўляпти!
