Кутинг! Экранда бармоқ излари сканери энди арзон смартфонларда ҳам бўлади

Экранда бармоқ излари сканери ўрнатилган смартфонлар бутун дунёда урфга айланмоқда (Айниқса, Хитой ва унинг атрофидаги минтақаларда). У аллақачон Vivo смартфонининг бир нечта моделларида пайдо бўлган, шунингдек Huawei, Xiaomi қурилмаларида ҳамда MEIZU'нинг охирги флагманларида ҳам мавжуд, аммо энг нуфузли брендлар ушбу технологияга мурожаат қилишга ҳали шошилишмаяпти. Бунга Galaxy Note9  жуда яхши мисол бўла олади.

Аммо мазкур технология жадал суръатларда тарқалмоқда. Айрим маълумотларда келтирилишича, бу йил дунё бўйича экран сенсорларига эга 42 миллионта смартфон ишлаб чиқарилар экан,  2019 йилда эса бундай смартфонларнинг сони 100 миллион донага етади. Шундай қилиб, Android’да ишлайдиган смартфонларнинг сезиларли қисми экранда бармоқ излари сканери билан таъмиинланади. Айрим таҳлилий маълумотларда келтирилишича   бармоқ излари сканерини экранга жойлаштириш нафақат флагманларда, балки оддий ва арзон смартфонларда ҳам юз беради.

ЎҚИНГ:Виртуал сканерга эга илк смартфон расман тақдим қилинди

Шунингдек, ҳозирда смартфонлар асосан бармоқ изларининг оптик сканерлари билан чиқарилмоқда,  2019 йилга келиб эса, ултратовушли ечим таклиф қилиниши кутилмоқда, Бу яна ўша, Жанубий Кореядаги таниқли  ишлаб чиқарувчиларининг бири томонидан амалга оширилади (албатта, Samsung).

Galaxy S10 ултратовушли бармоқ излари сканери билан таъминланган илк смартфон бўлади ва унинг таниб олиш тезлиги, аниқлик ва ишончлилик даражаси жуда юқори бўлиши кутилмоқда. Шунингдек, экспертларнинг фикрича, экранда  бармоқ излари сканери жойлашган смартфонларнинг кенг тарқалиши OLED-панелларнинг ҳам глобал ишлаб чиқарилишини кенгайтиради, чунки ушбу технология қўлдан қўлга ўтиб келмоқда.
ЎҚИНГ:Epson портатив сканерлари USB орқали қувватланади