Lenovo 4G алоқага мўлжалланган ноутбукни тайёрламоқда  

Lenovo 4G алоқага мўлжалланган ноутбукни тайёрламоқда  

Lenovo компанияси 4G, яъни мобиль алоқа тармоғининг тўртинчи авлодида ишлаш кўникмасига эга янги ноутбукларни тайёрламоқда. Бу ҳақда инсайдерлар хабар тарқатишмоқда.

4G-модулининг мавжудлиги ноутбукка ташқи USB-модемини ўрнатмасдан туриб, LTE алоқа тармоғига уланиш имкониятини беради. Шундай қилиб, янги илғор ғоя туфайли энди  Wi-Fi тармоғи билан қамраб олинмаган ҳудудда ҳам лаптоп орқали халқаро Интернет тармоғига бемалол уланиш шароити яратилди.

Бироқ, ҳозирча мазкур ноутбукларга оид батафсил жиҳатлар маълум қилинмаяпти. Шу билан бирга, янги ноутбукларнинг яқин ойларда намойиш қилиниши тахмин қилинмоқда.

Эслатиб ўтамиз, Хитойнинг Lenovo компанияси персонал компьютерлар ишлаб чиқаришда жаҳоннинг етакчи ишлаб чиқарувчилари қаторига киради. Жорий йилнинг 2-чораги якунларига кўра, компания 13.2 млн стол компьютерлари ва лаптопларни сотувга чиқарган. Бу билан унинг компьютерлар бозоридаги улуши 21 фоизга етган.

2016 йилнинг апрель-июнь ойларида жаҳон миқёсида 62,4 млн дона компьютерлар сотилган бўлиб, кўрсаткич миқдори олдинги чоракка нисбатан 4,5 фоизга камайган.

Сайт янгиликларидан доимий хабардор бўлиш учун Телеграм каналимизга қўшилинг!