Lenovo илғор ультрабуклар “кушандаси” Air 13 Pro’ни эълон қилди

Lenovo илғор ультрабуклар “кушандаси” Air 13 Pro’ни эълон қилди

Бугун Хитойда нафақат смартфон, балки ноутбук ишлаб чиқариш саноатида ҳам кучли рақобат кузатилмоқда. Шу вақтга қадар смартфон фойдаланувчилари учун бораётган “жанг” энди ноутбук ишқибозлари учун ҳам бошланди.

Аввал хабар берганимиздек, 27 июль куни Xiaomi компанияси Apple MacBook Air ультрабукининг хиойча альтернативи — Mi Notebook Air гаджетини намойиш қилган эди. Ундан 1 кун ўтар-ўтмас Lenovo биратўла ҳам Apple MacBook Air, ҳам Mi Notebook Air’нинг “кушандаси” бўлган, номи ва кўриниши уларга ўхшаш Lenovo Air 13 Pro ультрабукини эълон қилди.

Яна бир қизиқ жиҳати, тўлиқ металл корпусли Lenovo Air 13 Pro ноутбукининг нархи ҳам хитойлик рақиби билан бир хил: унинг бошланғич буюртма баҳоси $750 доллар. Яъни, Apple MacBook Air’дан 300 долларга арзон. Сотувга эса энг қиммат талқини 825 долларгача бўлиши мумкин.

Батафсил: «Хитойча MacBook Air» Apple’никидан $300 доллар арзонга сотилади.

Аммо, экспертларнинг фикрича, Lenovo ультрабуки рақибларидан бир оз кучсизроқ. Мисол учун, Xiaomi’дан фарқли равишда Lenovo янги ноутбукининг энг оддий талқинига 8 ГБ эмас, 4 ГБ тезкор хотира ўрнатган. Шу билан бирга, унга ўзига хос илғор жиҳат — бармоқ излари сканери татбиқ қилинган.

Lenovo Air 13 Pro’нинг бошқа жиҳатлари Xiaomi Mi Notebook Air ва Apple MacBook Air билан бир хил, яъни:
Экран: 13,3 дюймли, IPS платформа, сиғими Full HD (1920 х 1080 пикселей);
Процессор: Intel Core i5-6200U / Intel Core i7-6500U;
Видеокарта: Nvidia GeForce GT940MX
Тезкор хотира: 4 ГБ / 8 ГБ DDR4
Доимий хотира: 256 ГБ / 512 ГБ SSD
Операцион тизим: Windows 10
Корпусдаги портлар: 2 та USB 3.0, аудио 3,5 мм ва USB-C;
Корпус қалинлиги: 14,8 мм;
Вазни: 1,29 кг.