Lenovo тарихдаги энг қудратли процессорга эга илк 5G-ноутбукни тайёрлади!
Ўтган йилнинг декабрида Qualcomm компанияси 7 нанометрлик технология асосида Snapdragon 8cx процессорини тайёрлаганини эълон қилганди. Орадан бир неча ой ўтиб, Qualcomm Snapdragon 8cx 5G чипи расман тақдим этилди.
ЎҚИНГ: «Ёмон ҳаво». 5G бизни 80-йилларга қайтариб ташлайди(ми?)
Номидан ҳам пайқаганингиздек, бу – ўша ўтган йил сўнгидаги чипнинг 5G модем билан тўлдирилган вариантидир. Ва ниҳоят, куни кеча Snapdragon 8cx 5G процессори базасида ишловчи илк қурилма ҳам эълон қилинди.
We’re ushering in a new era of modern computing with @Lenovo. Opening soon: The world’s first #5GPC. #Snapdragon 8cx #5G pic.twitter.com/c8UnC4NUPu
— Qualcomm (@Qualcomm) 24 мая 2019 г.
Шундай қилиб, Qualcomm компанияси Snapdragon 8cx 5G тақдимотида маълум қилишича, ушбу 5G-процессор илк бор Lenovo компаниясининг Windows 10 тизимли ноутбукида қўлланади.
ЎҚИНГ: Qualcomm тарихдаги энг қудратли процессорини тақдим этди, лекин у смартфонлар учун эмас!
Таъкидлаш керакки, Snapdragon 8cx 5G платформаси интернетга узлуксиз уланишда (Always connected PC) бўладиган ноутбукларга мўлжалланган. Унинг жамланмасига кирган Snapdragon X55 модеми сониясига 7 гигабитгача тезликда маълумот алмаша олади. Шунингдек, платформа таркибидаги Adreno 680 график тезлатгичи Snapdragon 850 моделига нисбатан икки карра катта график қудратга ва 60 фоиз тежамкорликка эга. Snapdragon 8cx 5G чипсетига кирган Kryo 495 процессори эса Intel Core процессорларига қараганда икки карра юксак самарадорликка эга.
Юқоридаги тизерга кўра, бу премиал ноутбук бўлади, демак – нархи 1000 доллардан паст бўлмаслиги аниқ. Lenovo ушбу гаджетини бир неча кундан кейин очиладиган Computex 2019 кўргазмасида расман намойиш этади.
Шу ва бошқа ишлаб чиқарувчиларнинг айрим ноутбукларини эса 2 119 000 сўмдан бошланувчи нархларда Terashop.uz интернет-дўконимиздан сотиб олиш мумкин.
ЎҚИНГ: Дунёдаги энг хавфли ноутбук аукционга қўйилди: бошланғич нархи миллион доллардан ошиқ!
