Lenovo «ўраладиган» ноутбук концептини тақдим этди

  •   DiMaX
  •  1087
  •  21.06.2017 11:01

Lenovo «ўраладиган» ноутбук концептини тақдим этди

Lenovo ўзининг расмий Твиттерида келажак ноутбукининг концептини намойиш этди, деб ёзади Engadget нашри.

Янги қурилманинг асосий ўзига хослиги – клавиатуранинг ўзиданоқ бошланиб кетувчи қайишқоқ экрани бўлади. Бундай ноутбукда тачпад бўлмаслиги, лекин у овозли буйруқларни қўллаб-қувватлаши мумкинлиги таъкидланаётир. Уни яратиш учун конструкциянинг қайишқоқлиги ва шу билан бирга мустаҳкамлигини таъминлай оладиган ностандарт материаллардан фойдаланишга тўғри келади. Қайишқоқ ноутбукни олиб юриш ҳам янада қулай бўлади, чунки уни шунчаки ўраб олсаям бўлаверади.

Гарчи замонавий технологиялар бундай функцияни амалга оширишга имкон берса-да, Lenovo ҳозирча бундай ноутбукни ишлаб чиқаришни ваъда қилмаяпти – айни дамда бу ўта мушкул ва қимматга тушади. Умуман олганда, ноутбук ҳали концепт босқичида, дейди компания. Эҳтимол, вақти келиб, Lenovo шунақа «ўраладиган» ноутбукни тақдим этса ҳам, у буткул бошқача кўринишда бўлиши мумкин.

Компьютерлар ишлаб чиқарувчи йирик компаниялардан бири ҳисобланган Lenovo, балки, бу билан ўз фаолиятини келажакда қайси йўналишда ривожлантиришига шама қилгандир. Нима бўлганда ҳам, бу борадаги янгиликлардан биринчилар қаторида бохабар бўлиш учун биздан узоқлашманг!

Хабарларни тез ва осон ўқиш учун Андроид иловамизни сақлаб олинг.