LG’дан «ақлли» ручка: энди смартфон керак бўлмайдими?

LG компанияси янги турдаги қурилмага патент олди. У кўпфункцияли ручка бўлиб, иккита дисплейга эга. Ушбу гаджет смартфон ўрнини босиши мумкин. Корпусга жойлаштирилган кичкина экран  иловалар белгиси, билдирги ва вақтни билиш учун фойдаланилади, иккинчи экран эса эгилувчан. У  тугмача босилса тўғри ручкадан чиқиб келади. Уни смартфон экрани ўрнида ҳам бемалол ишлатиш мумкин.

ЎҚИНГ:LG бошқарувида раҳбар ўзгарди

Ручкага датчиклар ва сенсорларнинг базавий тўпламини жойлаштиришган: гироскоп, электрон компос, босим датчиги, камера кўзини яқинлаштиргич ва кузаткич шулар жумласидан. Шунингдек, жажжи қурилмада бармоқ излари сканери, микрофон ва динамик  ҳам бор. Шуларнинг бари ручкага смартфон каби ишлаш имконини беради.

ЎҚИНГ:LG дунёдаги биринчи «сунъий онг»ли кир ювиш машинасини чиқаряпти

Патентнинг ўзидаёқ, ручканинг смартфонга қандай уланиши кўрсатиб берилган. Зарурат туғилса ручка билан истаган нарсанинг устига қўлда  бемалол ёза оласиз, барча ёзилган маълумотлар автоматик тарзда рақамлашади ва смартфондаги иловага кўчиб ўтади.