LG эгилувчан дисплейли смартфонга патент олди

  •   Saroy
  •  929
  •  06.07.2018 13:07

LG эгилувчан дисплейли смартфонга патент  олди

LetsGoDigital нашри LG компаниясининг эгилувчан смартфонига олган патент буюртмасини эълон қилди. Бу, мазкур ишлаб чиқарувчининг иккинчи эгилувчан аппарати бўлади. 

Патент расмларига қараганда, LG’ нинг эгилувчан экранли аппарати оддий ромсиз ташқи кўринишга эга. Унинг энг муҳим жиҳати аппаратни эгиш мумкин, ҳатто икки буклаб қўйиш мумкин.

Дисплейни эгиш шарнирли конструкция ёрдамида амалга оширилади, бундан мақсад, аппарат чўнтакда тасодифан очилиб кетмаслиги учун. Корпуснинг икки ёнида бир жуфт магнит бор. Смартфонни очганингизда унинг дисплейи автомат  тарзда «уйғонади», агар қурилма йиғиб қўйилса,  экран ўчади.

LG’нинг эгилувчан смартфони иккита антенна, бир жуфт микрофон ва динамик билан таъминланган. Шунингдек, аппаратнинг иккита камераси бор. Уларнинг биттаси орқа томонга жойлашган бўлиб, аппарат йиғилган ҳолатда ҳам суратга олади.

LG’нинг эгилувчан смартфони қачон сотувга чиқади, ҳозирча буни ҳеч ким айта олмайди. Ҳар ҳолда компания ушбу ”муъжиза”сини узоқ ушлаб турмаса керак, чунки 2019 йил январда Samsung ҳам ўзининг шунга ўхшаш модели  – Galaxy X’ни чиқаришни режалаштирган.

Сайт янгиликларидан доимий хабардор бўлиш учун Телеграм каналимизга қўшилинг!