LG Electronics компаниясига янги ижрочи директор тайинланди
Аввалроқ уй учун чиқариладиган мосламалар бўлимини бошқарган Чо Сон Чжин LG Electronics компаниясига янги ижрочи директор этиб тайинланди. Ушбу шахс Жанубий Корея компаниясида 40 йилдан бери хизмат қилиб келмоқда. Бундан аввалроқ у компанияни бошқаришга тайинланган уч юқори амалдорнинг бири эди, деб ёзмоқда 3D News.
Уй учун чиқариладиган мосламалар бўлимига ўтказилишдан олдин Чо Сон Чжин компаниянинг кир мошиналар ишлаб чиқарадиган бўлимига раҳбарлик қилган. У 1980-йилларда биринчи LG кир ювиш машинасини яратган жамоанинг аъзоси бўлган.
Чо Сон Чжин LG компаниясини ривожига катта ҳисса қўшиб, уни жаҳоннинг энг номдор брендлари қаторига киришига ёрдам берган. Айнан унинг ташаббуси билан LG Signature маркаси, ошхона жиҳозлари, ақлли уй ва IoT маҳсулотлар ишлаб чиқилган.
