LG G7 флагманига Snapdragon 845 чипи қўйилади
Жанубий Кореянинг The Investor нашри хабарига кўра, LG компанияси ўзининг бўлажак флагмани – G7 моделини илғор Snapdragon 845 процессори билан жиҳозлайди. Эслатиб ўтамиз, Snapdragon 835 чипларининг етишмовчилиги (уларнинг деярли барчаси Galaxy S8 моделларига кетган) сабабли, LG G6 флагманига унча янги бўлмаган Snapdragon 821 процессори қўйилган.
Гап-сўзларга кўра, LG ва Qualcomm аллақачон бу масаладаги ҳамкорлик борасида олдиндан келишиб қўйишган ва биргаликда чип устида иш бошлаб юборишган. Ўзи Qualcomm ва Samsung компаниялари Snapdragon 845 устида ишлашга киришганлари яқинда – апрелнинг охиридагина маълум бўлганди.
Маълумотларга қараганда, 845-моделнинг самарадорлиги оширилган. Snapdragon 835 чипига нисбатан унинг кўрсаткичлари камида 30 фоизга юқори бўлади.
