LG K10 – ўртача нархда чиройли ва катта экранли смартфон

LG K10 – ўртача нархда чиройли ва катта экранли смартфон

2016 йилнинг илк кунлариданоқ Жанубий Кореянинг LG Electronics компанияси тақдим қилган, 5,3 дюймли, Android 5.1 Lollipop платформасида ишлайдиган K10 смартфони мобиль қурилмалар бозорига ҳам дизайн, ҳам кенг имкониятлари билан кириб келди.

Мобиль алоқа воситаларининг замонавий авлоди бўлган смартфонларни функциясининг кенглиги жиҳатидан кичкина компьютерларга қиёслаш мумкин. Бунинг учун улар Linux kernel – компьютернинг ядро операцион тизимига асосланган бўлиши лозим. Kernel (ядро) Android операцион тизимининг муҳим таркибий қисми ҳисобланади. Ядро мобиль қурилмага ўрнатилган дастур ва қурилма аппарати ўртасидаги алоқани таъминлайди. Мазкур тизимда ишлайдиган қурилмаларга нисбатан “К” серия деб таъриф берилади.

lg-k10-review-back-cover-650-80
Дизайн

CES 2016 кўргазмасидан ўрин олган К сериясига хос K10 ва K7 моделлари дизайнини ишлаб чиқишда компания ёшлар аудиториясининг истакларини ўргангани сезилиб турибди. LG K10 аппарати кўринишидан 2015 йилнинг апрелида сотувга чиққан, оммалашиб кетган LG G4 байроқдор смартфонга ўхшаб кетади.

Дисплей атрофи ортиқча тугмалардан ҳоли, денгиз шағали стилидаги 2.5D туридаги шиша билан тўлиқ ўраб олинган. Қурилма корпусининг орқа томонидаги тўлқинсимон текстура унинг кафтда мустаҳкам ўрнашишини таъминлайди. Мобиль қурилма қирралари ясси қиррали бўлиб, дисплей пастга томон қайрилган.

Экран

LG K10 қурилмаси тасвирни 1280×720 форматда кўриш имконини берувчи 5,3 дюймли HD сенсор дисплейига эга. K10 LTE талқинида 13 мегапикселли орқа, 8 мегапикселли олд камера, 3G версиясида 8 ва 5 мегапикселли камера билан таъминланган. 2015 йилда ишлаб чиқилган LG UX интерфейсидаги Gesture Shot ҳамда Gesture Interval Shot камера функциялари фойдаланувчига қўл ишоралари ёрдамида суратга олишга буйруқ бериб, селфига тушиш имконини беради. Мисол учун, камерага қарата муштингизни кўрсатсангиз, у сизни суратга олади.

Техник хусусиятлари

Қурилма мобиль алоқада маълумотларни юқори тезликда ўтказиш стандарти – LTE (4 ядрoли 1,2 ГГц чаcтотали ёки 8 ядрoли 1,14 ГГц частотали) стандартга эга, 1, 1,5 ёки 2 ГБли оператив хотира, 8 ёки 16 ГБли ўрнатилган флеш-хотирадан фойдаланиш мумкин. 3G мобиль алоқа технологиясида эса қурилманинг 4 ядрoли, 1,3 ГГц частотали талқинидан фойдаланиш мумкин.

LTE мобиль алоқа технологиясида 2 ёки 1 ГБ оператив хотира ва 16 ГБли қўшимча хотирадан, 3G технологиясида 1 ГБли тезкор хотира ва 8 ГБли қўшимча хотирадан фойдаланса бўлади. Мобиль аппаратга 128 ГБгача бўлган ташқи хотира ўрнатиш мумкин.

Шунингдек, K сериясида тақдим этилаётган LG K7 мобиль аппарати 5 дюймли сенсор экранга эга бўлиб, тасвирни 854 x 480 пикселда кўриш имконини беради. Смартфон 1,1 ГГц ёки 1,3 ГГц частотали 4 ядрoли процессорда ишлайди.

K7 8 мегапикселли орқа ва 5 мегапикселли олд камерага эга. Аппаратнинг оператив хотираси 1,5 ГБ ёки 1 ГБни ташкил қилади. Унинг соатига 2215  ампер ток кучи олишга мўлжалланган аккумулятори мавжуд.

LG K10 146 x 74.8 x 8.8 мм.ли, соатига 2300 ампер ток кучи олишга мўлжалланган аккумуляторига эга.

lg-k10-review-buttons-650-80

Нархи

Ҳозирча қурилмалар нархи эълон қилинмаган. Норасмий маълумотларга қараганда, LG K10 смартфони Кореяда 166 АҚШ долларидан сотилмоқда. Аммо компания расман маълумот бермаган ва қурилма чўнтакбоп нархда сотувга чиқарилишини ваъда қилмоқда.

Хулоса

Қаердан сотиб олиш мумкин?

www.olx.uz $165 - $190 Сотиб олиш
www.asaxiy.uz 1,212,850 сўм Сотиб олиш

 Афзаллиги

 Камчилиги