LG V30+ 4 кунда 160 долларга арзонлашди
Ўтган ҳафтада жаҳоннинг йирик смартфон бозорларига 1010 АҚШ долларидан сотувга чиқарилган LG V30+ орадан 4 кун ўтиб, 160 АҚШ долларига арзонлашган. Айни пайтда бу флагманни 850 доллардан харид қилиш мумкин. Гаджетнинг нархи кундан-кунга 30-40 долларга арзонлашмоқда.
LG V30+ смартфони 6 дюймли, OLED матрицали ва QuadHD (2880 x 1440 пикселли) дисплей билан таъминланган. FullVision экраннинг томонлар нисбати 18: 9 стандартида.
Qualcomm Snapdragon 835 процессори, 4 ГБ "оператив" хотирага эга смартфоннинг доимий хотира сиғими 64 ГБ ёки 128 ГБ. Смартфонда, шунингдек, microSD бўлиб, унга 2 терабайтгача ҳажмли флешка ўрнатиш мумкин.
LG V30 Plus бош камераси қўш модулга эга бўлган: 16 Мп ва 13 Мп. Уларга энг яхши -- f/1.6 ва f/1.9 ҳажмидаги ёруғлик линзалари ўрнатилган. Айтиш керакки, бу смартфон камерасида f/1.6 ҳажмли диафрагма ўрнатилган илк флагман. Бу линза камерага кўпроқ ёруғлик ўтказиш имконини беради.
LG V30 аккумулятори 3300 мА соат ток сиғимини жам қилади. Батареяни симсиз қувватлаш мумкин. Смартфонда Bluetooth 5 стандарти жорий қилинган. IP68 ҳимоя гувоҳномасини олган корпус Corning Gorilla Glass 5 шишаси билан қопланган.
