LG V30+ Россияда сотилмоқда, расмий нарх билан танишинг!

6 декабрда LG V30+ смартфони Россия смартфон бозорида расман сотувга чиқарилди. Янги гаджетнинг ҳозирча 128 гигабайтли доимий хотирага эга талқинини харид қилиш мумкин.

Смартфон LG V30+ 6 дюймли, OLED матрицали ва QuadHD (2880 x 1440 пикселли) дисплей билан таъминланган. FullVision экраннинг томонлар нисбати 18: 9 стандартида.

Qualcomm Snapdragon 835 процессори, 4 ГБ "оператив" хотирага эга смартфоннинг доимий хотира сиғими 64 ГБ ёки 128 ГБ. Смартфонда, шунингдек, microSD бўлиб, унга 2 терабайтгача ҳажмли флешка ўрнатиш мумкин.

LG V30 Plus бош камераси қўш модулга эга бўлган: 16 Мп ва 13 Мп. Уларга энг яхши -- f/1.6 ва f/1.9 ҳажмидаги ёруғлик линзалари ўрнатилган. Айтиш керакки, бу смартфон камерасида f/1.6 ҳажмли диафрагма ўрнатилган илк флагман. Бу линза камерага кўпроқ ёруғлик ўтказиш имконини беради.

LG V30 аккумулятори 3300 мА соат ток сиғимини жам қилади. Батареяни симсиз қувватлаш мумкин. Смартфонда Bluetooth 5 стандарти жорий қилинган. IP68 ҳимоя гувоҳномасини олган корпус Corning Gorilla Glass 5 шишаси билан қопланган.

LG V30+ в Россияда 59 990 рублдан, яъни 1000 АҚШ долларидан сотувга чиқарилган. Смартфонга қўшиб B&O Play аудио-қулоқчинлари совға қилинади.