LG V40: 5 камерали флагман дизайни қандай бўлиши керак?

Миш-мишларга қараганда, Берлинда бўлиб ўтадиган  IFA 2018 халқаро кўргазмасида LG ўзининг янги флагманини намойиш этади. Экспертлар қурилманинг энг асосий жиҳати, унинг нақ  бешта камерага эгалигида, дейишмоқда. Учтаси асосий ва иккитаси олд камера. Таниқли инсайдер @OnLeaks ва  SlashLeaks сайти ҳамкорликда смартфоннинг тасвирини оммага эълон қилди.

LG V40 дизайни учталик камера модели ва экрандаги “қоши”ни ҳисобга олмаса аввалги V35 моделини такрорлаган. Бу шишали орқа қопқоқ ва олдида кичик ром. Бармоқ излари сканери орқада камера остида қолдирилган.

ЎҚИНГ:LG V30 смартфони тиғ ва олов синовида! (видео)

Бунгача учталик асосий камера Huawei P20 Pro’да бор эди, лекин LG V40’да у бошқа тамойилда ишлайди. Биринчи камера одатдаги обзор бурчакли объектга эга, иккинчиси — кенгбурчакли, учунчи камеранинг вазифаси нимадан иборат экани ҳозирча айтилмаяпти. Иккиталик олд камера ҳам турли селфилар қилишда асқотади ва юзни таниш функциясига эга.

LG V40  Snapdragon 845 процессорида ишлайди, аммо қолган жиҳатлари сир тутилмоқда, ҳатто флагманнинг нархини ҳам ҳеч ким билмайди.

Ажабланарлиси шундаки, бундан аввалги LG V35 модели май ойида намойиш этилган эди, мана уч ой ўтиб янги V40 чиқариляпти. Савол туғилади — янгиланган флагман нимаси билан харидорларни ҳайратга соларкан. Кутайликчи, Берлинда бўлиб ўтадиган IFA 2018  кўргазмасида ҳаммаси ойдинлашади.  

ЎҚИНГ:Энг яхши сурат олувчи камерафонлар, уларнинг юртимиздаги нархлари – Топ-7