Louis Vuitton салкам 3000 долларлик Android-соат чиқарди (+видео)

  •   DiMaX
  •  1897
  •  12.07.2017 11:32

Louis Vuitton салкам 3000 долларлик Android-соат чиқарди (+видео)

Louis Vuitton компанияси Android Wear 2.0 операцион тизимида ишловчи Tambour Horizon номли бренд соатини чиқарди. Мазкур қурилма «ақлли» соатларга мўлжаллаб Google Play’га жойланган барча иловаларни қўллаб-қувватлайди, дея хабар беради Engadget.

Улардан ташқари, Tambour Horizon’да эксклюзив My Flight дастури ҳам бор, у авиапарвозлар рейсларини кузатиб боради. Шунингдек, соатнинг эксклюзив циферблатиям мавжуд.

Tambour Horizon кўпроқ Huawei Watch 2 ёки LG Watch Style «ақлли» соатларига ўхшаб кетса-да, нархида фарқи катта. Гарчи Louis Vuitton ушбу гаджетига қимматбаҳо материаллар ишлатмаган бўлса-да, унга жуда баланд нарх белгилаган.

Мазкур «ақлли» соат икки хил моделда тақдим этилмоқда. Унинг Tambour Horizon Black модели 2900 АҚШ доллари туради. Унинг Graphite ва Monogram моделлари эса нисбатан арзонроқ – 2450 долларга нархланган.

Шуниси ҳам борки, Tambour Horizon учун тасмачаларни танлаш имконияти катта – улар 60 хил моделда тақдим этилган.

Tambour Horizon’нинг хусусиятлари:

• Дисплей: 1,2 дюйм, сиғими 390х390 пикселли, AMOLED;

 Чип: Snapdragon Wear 2100;

 Хотира: 512 МБ тезкор ва 4 ГБ ички;

• Аккумулятор: 300 мА/соат сиғимли.

Сайт янгиликларидан доимий хабардор бўлиш учун Телеграм каналимизга қўшилинг!