Магистратурага онлайн ҳужжат топшириш бўйича батафсил маълумот

  •   DiMaX
  •  5019
  •  03.07.2020 17:54

Магистратурага онлайн ҳужжат топшириш бўйича батафсил маълумот

Кеча – 2 июль куни АОКА ҳузуридаги штабда Олий ва ўрта махсус таълим вазирлиги матбуот котиби муҳим савол ва мурожаатлар юзасидан жавоб қайтарди. Бу ҳақда Sof.uz нашри хабар бермоқда.

ЎҚИНГ: Ислом академиясида интернетдаги мафкуравий ва диний таҳдидларга қарши турувчи мутахассислар тайёрланади

Савол: Магистратурага ҳужжатларни қабул қилиш онлайн амалга оширилиши белгиланган эди. Шу ҳақда маълумот берсангиз?

Жавоб: Ҳужжат топшириш magistr.edu.uz сайти орқали онлайн амалга оширилади. Тизим 24 соат давомида узлуксиз ишламоқда. ОТМларда ҳужжат қабул қилинмайди!

Қабул жараёни 1 июлдан бошланган ва 30 июлгача (шу куни ҳам) давом этади. 1 июль кунининг ўзида 400 дан ортиқ ҳужжат рўйхатдан ўтказилди.

Ҳужжат топшириш учун керак бўладиган маълумотлар:

  • Паспорт маълумотлари тўлдирилади. Бунда абитуриент ЖШШИР (Жисмоний шахсларнинг шахсий идентификацион рақами)ни ҳамда паспорт церийаси ва рақамини киритиши кифоя. Паспортнинг сканер ёки расм варианти талаб этилмайди;
  • Доимий яшаш манзили (яъни прописка бўйича) киритилади;
  • Бакалаврда тугатган таълим муассасаси маълумотлари киритилади;
  • Дипломнинг расми ҳамда баҳолар қайд этилган илованинг сканер варианти юкланади;
  • Агар абитуриент имтиёзларга эга бўлса, яъни чет тилини билиш сертификати, олимпиадалар ғолиблиги, Президент ёки номли стипендия соҳиби эканлиги ва ҳ.к.ларни тасдиқловчи ҳужжатлар киритилади;

Ҳужжат топширмоқчи бўлган мутахассислигини танлайди.

Абитуриентдан шундан бошқа қўшимча ҳужжатлар, масалан фотосурат, мақолаларининг нусхаси, тиббий маълумотнома талаб этилмайди.

Нотўғри расмийлаштирилган ёки қалбаки ҳужжат қабул қилинмайди.

ЎҚИНГ: ТАТУда янги магистратура йўналиши очилди

Сайтимиз хабарларини Одноклассникидаги саҳифамизда кузатиб боринг!