Машҳур инсайдер iPhone SE 2 дисплейининг «жонли» суратини эълон қилди
Купертинолик корпорация ўз ихчам айфонининг иккинчи авлоди – iPhone SE 2 моделини тайёрлаётганидан хабарингиз бор. Гарчи Apple бу борадаги гап-сўзларга бирорта ҳам расмий изоҳ билдирмаётган эса-да, ушбу смартфон ҳақида керагидан ортиқча маълумотлар, инсайдерлик ва рендер фотолари, ҳатто видеолари чиқишда давом этмоқда.
ЎҚИНГ: iPhone SE 2 смартфонини, ниҳоят, «жонли» видеода ҳам кўрсатишди!
Энди эса, таниқли инсайдер Вениамин Гескин ушбу айфон учун тайёрланган дисплейнинг «жонли» расмини эълон қилди. Бевосита ишлаб чиқариш жараёнидан олинган ушбу суратга қараганда, мазкур смартфон экрани ҳам iPhone X дизайнида бўлади.
Қизиғи шундаки, Вениамин Гескиннинг ўзи iPhone SE 2 модели бундай дисплейга эга бўлишига ишонмаяпти. Унинг фикрича, янги моделнинг оригинал iPhone SE’дан ягона фарқи – орқа панелининг шишадан ишланганлиги ва у орқали симсиз қувватлана олиши бўлади.
iPhone SE 2 (2018) моделини жорий ойнинг сўнгида ёки июнда, WWDC 2018 анжуманида тақдим этишлари эҳтимоли юқори. Бу борадаги янгиликларни биз билан бирга кузатиб боринг.
Apple’нинг шу пайтгача бозорга чиқарилган кўплаб моделлардаги айфонларини эса юртимизда ҳам расмий кафолати билан харид қилишингиз мумкин.
ЎҚИНГ: Ўзбекистон бўйлаб БЕПУЛ етказиб бериладиган iPhone нархлари (2018 йил 11 май)
