Машҳур оптик иллюзиянинг сири очилди
Австралиянинг Флиндерс университети тадқиқотчилари гуруҳи нима учун одамлар “Менинг рафиқам ва менинг қайнонам” номли машҳур картинада турли образларни кўришини ташунтириб беришди. Ушбу картина энг машҳур оптик иллюзаларнинг бири ҳисобланади. Мутахассислар дунёнинг 22 та мамлакатида 18 ёшдан катта бўлган 666 кишига савол билан мурожаат қилишди. Унинг натижаси Business Insider нашрида эълон қилинди.
Кейин сўралганларнинг орасидан 393 киши (АҚШ фуқаролари) қолдирилди. Уларнинг 242 нафари эркак, 141 нафари аёл бўлди, 18 ёшдан 68 ёшгача бўлган сўров қатнашчиларнинг ўртача ёши 33 ни ташкил этган. Уларга картинани ярим сония кўрсатишган ва унда тасвирланган аёлнинг тахминий ёши қанчалиги сўралган.
ЎҚИНГ:Машҳур картиналардан кинолавҳа ишлайдиган дастур яратилди
Мутахассисларнинг аниқлашича, картинадаги тасвирни қабул қилиш респондентнинг ёши билан боғлиқ экан. Масалан ёши 30 дан кам бўлган респондентлар расмда ёш қиз тасвирланганини таъкидлашган, ёши катта респондентлар эса ёши катта аёлни кўрган.
«Менинг рафиқам ва менинг қайнонам» оптик иллюзияси илк бор 1888 йилда Германияда откриткада пайдо бўлган эди. 1915 йилда британиялик карикатурачи Уильям Эли Хилл (William Ely Hill) Puck деб номланган ҳажвий журналда ушбу тасвир бўйича ўзининг вариантини эълон қилди. 1930 йилда руҳшунос Эдвинг Боринг (Edwin Boring) уни ўзининг «Янги икки хил маънодаги фигура» мақоласида фойдаланди, шундан кейин картинани дарсликларда чоп эта бошлашган.
ЎҚИНГ:Фотокамера қаршисида ҳалокат ёки селфи нега тақиқланмоқда?
