Май ойининг энг кучли смартфонлари

Май ойининг энг кучли смартфонлари

Ёз ойи бошланди дегунча, смартфонларнинг "иситмаси ошиши" ҳақидаги муҳокамалар кўпая бошлайди. Биламизки, бугунги кунда Android мобил телефонлар яхши ишлаши учун ўз кучининг маълум қисмини қурбон қилади ва шу билан бирга у қизишни бошлайди. Бу муаммо учун эса иссиқлик тарқатилиши ягона ечим бўлиши мумкин ва бундай хусусият гейминг смартфонларидагина мавжуд. Шунинг учун ҳам улар оддий флагман смартфонлардан ҳам яхшироқ ишлайди ва шу сабаб улар AnTuTu'нинг май ойидаги смартфонлар рейтингида юқори ўринларни эгаллашган.

Хитойнинг телефонлар ва бошқа қурилмаларнинг ишлашини текшириш ва уларни таққослаш имконини берувчи AnTuTu дастурий таъминоти май ойининг энг зўр флагман смартфонлари топ ўнталигини эълон қилди. Рўйхатга кўра, 1,048,179 ҳисоб билан Black Shark 5 Pro смартфони биринчи ўринни эгалланган. Ундан кейинги иккинчи ва учинчи ўринларни эса мос равишда Red Magic 7 Pro (1,032,445) ва Savior Y90 (1,020,942) банд қилишган ва уларнинг уччаласи ҳам Snapdragon 8 Gen 1 чипсетида ишлайдиган гейминг смартфонлардир.

Уччов смартфонлар ҳам ўз устунликларига эга. Масалан, Black Shark 5 Pro ўзининг SSD+UFS 3.1 хотирасига таянса, Red Magic 7 Pro совутиш ва иссиқлик тарқатиш хусусиятлари билан мақтана олади. Savior Y90 эса юқоридаги иккала қурилманинг хусусиятлари бирикмасига эга, лекин шунда ҳам у учинчи ўринга лойиқ кўрилган.

Snapdragon чипсетли топ учликдан кейинги тўртинчи ўринни MediaTek'нинг Dimensity 9000 чипи билан Vivo Х80 смартфони 1,013,845 ҳисоб билан эгаллашга муваффақ бўлган. Топ бешлик iQOO 9 смартфони билан якунланади. Кейинги ўринларда эса iQOO 9 Pro, Vivo X80 Pro (Dimensity версияси), Vivo X Note, Vivo X80 Pro (Snapdragon версияси) ва Motorola Edge X80 смартфонлари турибди.

ЎҚИНГ: Кутиб олинг – Ҳонор 70 Pro ва 70 Pro+