MDC М5 – ҳамёнбоп 4G-смартфон сотувга чиқди
2018 йилнинг бошида юртимиз бозорига кириб келган MDC компанияси бир қатор русумлардаги смартфонлар тақдим этган. Мазкур бренд М5 номи остида яна бир ҳамёнбоп, металл корпус ва йирик дисплей билан жиҳозланган моделини сотувга чиқарди.
ЎҚИНГ: MDC Nova Pro: Face Lock функцияли арзон 4G-смартфон сотувга чиқди
MDC М5 смартфонига 4 ядроли Mediatek MT6739 процессори ўрнатилган. Қурилма Ўзбекистондаги барча алоқа операторларининг 4G тармоқларида ишлайди, унга 2 та SIM-карта жойлаш мумкин. Хотираси 2/16 гигабайт, унга яна қўшимча тарзда 64 гигабайтгача бўлган MicroSD картаси ўрнатишингиз мумкин. Смартфон Android 8.1 Oreo операцион тизимида ишлайди, у 5.7 дюймлик HD+ (1440х720 пиксел) аниқлигидаги, томонлари ўзаро 18:9 нисбатли IPS экран билан жиҳозланган.
Асосий камера 13 + 0.3 мегапикселлик аниқликдаги қўш модулдан ташкил топган, унга LED-чақноқ ўрнатилган ва автофокус кўзда тутилган. Олд камера аниқлиги эса 5 мегапикселлик. Ушбу моделда ҳам шахсий маълумотларингизни ҳимоялаш учун анъанавий код-пароллардан ташқари бармоқ изи сканери ҳамда Face-Lock функциясидан фойдаланишингиз мумкин.
Смартфон корпуси металлдан ишланган, бу эса унинг ташқи таъсирларга чидамлилигини оширади. Аккумуляторнинг ток сиғими 3300 мА/соат эканлигини ҳисобга олсак, қурилмадан кун давомида бемалол фаол тарзда фойдаланиш мумкин.
MDC М5 модели Ўзбекистон бозорида 765 минг сўм атрофидаги нархда, тилларанг ва қора тусли корпусларда таклиф этилмоқда. Ва асосийси – ҳар доимгидек, MDC бренди ўзининг барча қурилмалари қатори, ушбу янги смартфонига ҳам 1 йиллик расмий кафолат тақдим қилади!
ЎҚИНГ: Барча моделлардаги ҳамёнбоп MDC смартфонлари янада арзонлашди!
