MDC Nova Pro: металл корпусли арзон 4G-смартфон сотувга чиқди!
Ўзбекистон бозорида қурилмаларининг хамёнбоплиги билан анча танилиб улгурган MDC компанияси, аввал хабар берганимиздек, арзон моделни сотувга чиқарди.
ЎҚИНГ: MDC Nova Pro: металл корпусли ҳамёнбоп 4G-смартфон тез кунларда Ўзбекистонда!
Nova Pro деб номланган ушбу модель замонавий смартфон фойдаланувчиси учун керак бўлган деярли барча асосий функциялар билан жиҳозланган! У ҳозирда юртимиз электроника бозорларида 720 минг сўм атрофидаги нархда, 1 йиллик расмий кафолат билан харидорларга таклиф қилинмоқда.
Ушбу гаджетнинг орқа панели металлдан ишланган, томонлари ўзаро 18:9 нисбатдаги экраннинг катталиги диагоналига 5.7 дюймни ташкил қилади (1440х720 пиксел, 320 dpi). Унинг 8 мегапиксел аниқликдаги орқа камераси ҳам, 5 мегапикселлик селфи-камераси ҳам LED-чақноқли эканлиги эса айни муддао!
MDC Nova Pro ишлаш частотаси 1.3 ГГц бўлган тўрт ядроли Mediatek MTK6737 процессорида фаолият юритади. Тезкор хотира ҳажми 2, ички хотираси 16 гигабайтлик, шу билан бирга, қўшимчасига унга 128 гигабайтгача ҳажмли microSD-карта ўрнатиш мумкин. Ушбу девайс Ўзбекистондаги барча мобил операторларнинг 4G тармоғини қўллаб-қувватлайди.
Мазкур смартфон Android 8.1 Oreo платформасида ишлайди. Шахсий маълумотларни бармоқ изи билан ҳимояласа бўлади. Бундан ташқари, юз билан блокдан чиқариш функцияси – Face Lock технологиясидан ҳам фойдаланиш имконияти мавжуд. Смартфонда кундалик (видео-контент кўриш, ижтимоий тармоқлар, қўнғироқлар, хабарлар, мусиқа ва ҳоказо) вазифаларни бемалол бажариш мумкин.
Смартфоннинг техник хусусиятлари:
Экран: 5.7 дюймлик, IPS (18:9, 1440х720 пиксель, 320 dpi);
Процессор: Mediatek MTK6737, Cortex-A53, 1.3 ГГц, 4 ядро;
Хотира: 2 ГБ тезкор, 16 ГБ ички хотира (+128 ГБ гача microSD қўйиш мумкин);
Камера: 8/5 МП, автофокус, HDR, Beauty, Panorama, иккита LED-чақноқ;
Тармоқ: 2G – GSM850/900/1800/1900MHz; 3G – WCDMA 900/2100MHz; 4G – FDD (1/3/5/8/40);
Алоқа интерфейслари: Wi-Fi 802.11n, Wi-Fi Direct, Bluetooth 4.0;
Аккумулятор: 3000 мА/с;
Ҳимоя: Бармоқ изи сканери; FaceLock;
Операцион тизим: Android 8.1 Oreo;
Ўлчамлари: 152х74х9.1 мм;
Вазни: 177 г.
