MDC Prime Lite: 680 минг сўмга қўш камерали 4G-смартфон
Ўзбекистон бозорига ҳамёнбоп ва яхши техник кўрсаткичларга эга смартфонлар билан кириб келган MDC брендини яхши биласиз. Ушбу компания ўзига хос дизайнга эга металл ва шиша корпусли, 4G тармоғини қўллаб-қувватловчи, қўш камерали Prime Lite моделининг нархини яна туширди.
ЎҚИНГ: MDC Prime Lite – «Малика»даги ноодатий «эконом класс»
Энди бир йиллик расмий кафолатга эга бўлган смартфонни юртимиз бўйлаб 680 000 сўмдан бошлаб харид қилишингиз мумкин.
Қурилма диагонали 5.2 дюймга тенг IPS-дисплей билан жиҳозланган. Дисплейнинг тасвир аниқлиги эса HD форматида, яъни 1280x720 пикселни ташкил этади. Бармоқ изи сканери корпуснинг олд томонида, асосий тугмачада жойлашган.
Смартфоннинг асосий камераси 13 ҳамда 0.3 мегапикселлик иккита сенсорни (Samsung ISOCELL) ўз ичига олади. Олд камера 8 мегапикселлик бўлиб, унинг ёрдамида сиз ажойиб селфилар туширишингиз мумкин.
MDC Prime Lite смартфони 16 гигабайтлик ўрнатилган хотирага эга, агарда буни кам десангиз – 128 гигабайтгача ҳажмли microSD ўрнатиш имкони бор. Маълумотларингизни ҳимоялаш учун график калит дейсизми, пароль, кодли сўз ёки бармоқ изи сканерими – бу усулларнинг барчасини MDC Prime Lite модели қўллаб-қувватлайди. Қурилмага 1.3 гигагерц такт частотасида ишловчи тўртта ядроли MT6737 процессори ўрнатилган.
Смартфон 3G ҳамда 4G стандартларини қўллаб-қувватлайди. Қурилмага иккита SIM-карта тушади, у Android операцион тизимининг 7 (Nougat) талқини бошқаруви остида ишлайди. Қурилма сунъий йўлдош орқали навигация учун GPS/AGPS модули, шунингдек, симсиз алоқанинг Wi-Fi 802.11 b/g/n ҳамда Bluetooth 4.0 талқинларини қўллаб-қувватловчи модуллар билан таъминланган. Prime Lite 2750 мА/соат сиғимли аккумуляторга эга.
Сотиб олиш:
https://www.terashop.uz/product/mdc-prime-lite
https://olcha.uz/product/view/mdc-prime-lite-black
https://asaxiy.uz/index.php?route=product/product&path=174&product_id=7699
MDC Prime Lite смартфонининг техник хусусиятлари қуйидагича:
- 5,2 дюймлик экран, 1280х720 пикселлик аниқлик даражаси билан (16:9 нисбатли);
- 3 ГГц такт частотали, 4 ядроли процессор;
- 2 ГБ тезкор хотира;
- 16 ГБ доимий хотира;
- 128 ГБгача ҳажмли microSD-картани қўллайди;
- 13 + 3 МП (Samsung ISOCELL) аниқликдаги асосий қўш камера;
- 8 мегапикселлик (Samsung ISOCELL) олд камера;
- 4G тармоғини қўлловчи SIM-карта учун иккита слот;
- Wi-Fi 802.11n + Bluetooth 4.0;
- аккумулятор сиғими 2750 мА/соат;
- Бармоқ изи сканери;
- Android 7 Nougat;
- Ўлчамлари: 138 х 73,2 х 8,6 мм;
- Оғирлиги: 160 г.
ЎҚИНГ: YouTube-каналимизга қўшилинг – MDC Prime Lite видеотавсифи жойланди!
