MediaTek Dimensity 1300 чипи тақдим этилди
Катта шов-шувларсиз MediaTek компанияси Dimensity 1300 чипини намойиш этди. Тахминларга кўра, OnePlus Nord 2T ёки OnePlus Nord 3 қурилмалари ушбу чип билан жиҳозланган илк смартфон бўлади.
Саккиз ядроли чип олти нанометрлик жараён асосида яратилган бўлиб, унда тўртта Cortex-A78 (битта Ultra ядро 3 гигагертс, учта Super ядролар 2.6 гигагертсда ишлайди) ва тўртта 2 гигагертсли Cortex-A55 ядролари жойлашган. Асосий процессорга эса тўққиз ядроли Mali-G77 MC9 график процессори ёрдам беради.
Dimensity 1300 чипи FullHD+ ёки 2520х1080 пикселгача бўлган 168 гертс частотали дисплейларни қўллаб-қувватлайди. Шунингдек, у 16 Гб 4266 Мбит/с LPDDR4X оператив хотира ва UFS 3.1 доимий хотира билан боғланади.
Чип 200 мегапикселгача бўлган камераларни қўллаб-қувватлайди ҳамда 4K HDR форматда видеога олиши мумкин. Ҳозирча ушбу чип биринчи бўлиб қайси смартфонга ўрнатилиши аниқ эмас, бироқ бу OnePlus Nord 3 бўлиши мумкин. Dimensity 1300 чипининг унумдорлиги Snapdragon 778G даражасида бўлади.
