MediaTek Helio G90T'ли Redmi Note 8 Pro AnTuTu'да!
Кеча Xiaomi'нинг суб-бренди Redmi ўзининг Note 8 ва 8 Pro смартфонларини тақдим қилди. Энди бу икки смартфоннинг барча жиҳатлари билан танишмиз. Ушбу оиланинг Pro версия гаджети айниқса аҳамиятлидир, сабаби у 64 мегапикселли камера сенсори ва MediaTek Helio G90T ўйин процессорига эга дунёдаги илк смартфон саналади. Мана, тақдимотдан бир кун ўтар-ўтмас, AnTuTu синови натижалари ҳам тайёр!
12 нанометрли ҳамёнбоп чип ўз тоифасидаги энг юқори кўрсаткичи билан мақтана олади. Note 8 Pro AnTuTu синовида умумий ҳисобда 282,443 балл тўплаган. Бу аъло натижа бўлиб, қурилманинг процессори ўзининг синфидаги барча рақибларни чангида қолдира олишини исботлайди. Redmi'нинг янги қурилмаси қайд этган бу натижа ўтган йилги Snapdragon 845 ва Kirin 970'ларнинг натижаларига жуда яқин.
Бундан чиқди, айтиш мумкинки, Note 8 Pro фойдалнувчига ўтган йилги флагманлар процессори сифатини ҳамёнбоп нархда тақдим қилади. Смартфон сотувга чиқиши учун яна бироз кутишимизга тўғри келади. Qualcomm'нинг ўрта тоифа чиплари: Hello G90T ва Kirin 810 ўртасида рақобат қизғин тус олиши аниқ.
