MediaTek компанияси янги Dimensity 1050 чипини тақдим этди
MediaTek mmWave 5G тармоғини қўллаб-қувватлайдиган биринчи чипсет — Dimensity 1050 ни эълон қилди. Бу чип Sub-6GHz ва mmWave стандартлари ўртасида осон ўтиш орқали узлуксиз уланиш имконини беради.
Чип 6 нанометрли жараёнда асосида яратилган бўлиб, 2022 йилнинг 3-чорагида ушбу чипга эга бўлган смартфонлар сотувга чиқади.
Dimensity 1050 саккиз ядроли бўлиб, у 2.5 гигагертсли иккита Cortex-A78, 2.0 гигагертсли олтита Cortex-A55 ҳамда Mali-G610 MC3 график процессорига эга.
MediaTek бюджет ва ўрта тоифадага смартфонлар учун иккита янги чипларни ҳам эълон қилди. Улардан бири Dimensity 930 бўлиб, у 920 моделига қараганда HDR10+ ва 120 гертс Full HD+ дисплейларни қўллаб-қувватлайди. Иккинчиси Helio G99 бўлиб, у 12 нанометр ўрнига 6 нанометрли жараён асосида яратилган.
