MediaTek ўрта даражадаги смартфонлар учун 200МП камера сенсорини қўллаб-қувватлайдиган чипсет чиқарди
MediaTek компанияси ўрта даражадаги смартфонлар учун ўзининг янги чипсети, Dimensity 1080'ни чиқарди – Dimensity 920 давомчиси яхшиланган самарадорлик ва каттароқ камера қўллаб-қувватланишига эга.
Dimensity 1080 чипсетининг энг эътиборли хусусиятларидан бири шундаки, Imagiq ISP билан у энди 200МП камера сенсори (аввалгиси 108МП эди) билан олинган тасвирларни қўллаб-қувватлай олади. Шунингдек, чипсет HDR режимида видеоларни 4К'гача бўлган сифатда олиши яхшиланганлиги айтилмоқда, лекин бу Dimensity 1080 учун янгилик эмас.
Маълум бўлишича, саккиз ядроли Dimensity 1080 чипсети иккита Arm Cortex-А78 билан 2.6 гигагерц (аввалгиси 2.5 гигагерц эди) частотада ишлашга яхшиланган. TSMC томонидан ишлаб чиқарилиши айтилаётган 6 нанометрли чипсет Arm Mali-G68 графикасида ишлайди. Қолаверса, у LPDDR5 оператив ва UFS 3.1 доимий хотиралари билан ҳам "келиша олади".
Чипсетнинг гейминг хусусиятлари ўзгармаган: Dimensity 1080 ҳали ҳам HyperEngine 3.0 билан APU 3.0'да ишлайди. Уланиш учун чипсет 6 гигагерцли ўрта-5G ва Wi-Fi 6 технологияларини қўллаб-қувватлайди.
MediaTek'нинг хабар беришича, Dimensity 1080 билан жиҳозланган смартфонлар 2022 йил тўртинчи чорагида чиқади. Катта эҳтимол билан биринчи смартфонлар Redmi Note 12 серияси бўлиши кутилмоқда.
